ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

541521
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
426
1226
1652
536154
10973
13799
541521
Your IP: 18.234.255.5
2020-11-30 17:38

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

bb
ສກຂ ຫຼວງພະບາງຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງຂອງພັກປະຊາຊົນປະຕິວັດລາວຈຳນວນ
9 ສະຫາຍ

ພະແນກສຶກສາທິການ ແລະ ກິລາແຂວງຫຼວງພະບາງໄດ້ຈັດພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງຈຳນວນ 9 ສະຫາຍ, ຍິງ 2 ສະຫາຍ ເມື່ອວັນທີ 11 ສິງຫາ 2020 ຜ່ານມາທີ່ພະແນກດັ່ງກ່າວ ໂດຍການໃຫ້ກຽດເຂົ້າຮ່ວມຂອງສະຫາຍ ຊາຍສະຫວັນ ຈັນມານິດ ເລຂາຄະນະພັກຮາກຖານ ຮັກສາການຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ມີສະຫາຍຮອງເລຂາໜ່ວຍພັກຫ້ອງການພະແນກ,ສະມາຊິກໜ່ວຍພັກສົມບູນ, ສຳຮອງ, ມະຫາຊົນຜູ້ກ້າວໜ້າ ແລະ ສະຫາຍພະນັກງານທີ່ກ່ຽວຂ້ອງເຂົ້າຮ່ວມ.icon new

ສະຫາຍ ອຳພອນ ສີປະເສີດ ຄະນະໜ່ວຍພັກຫ້ອງການພະແນກສຶກສາທິການ ແລະ ກິລາແຂວງໄດ້ຂື້ນຜ່ານມະຕິຕົກລົງຂອງຄະນະປະຈຳພັກແຂວງພະບາງວ່າດ້ວຍການອານຸມັດຮັບຮອງເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງຂອງປະຊາຊົນປະຕິວັດລາວ ຈຳນວນ 9 ສະຫາຍ, ຍິງ 2 ສະຫາຍ. ໂດຍມີ ສະຫາຍສະມາຊິກພັກສົມບູນຂື້ນກ່າວຮັບຮອງເອົາວ່າ: ມະຫາຊົນຜູ້ກ້າວໜ້າຈຳນວນ 9 ສະຫາຍນີ້ ເຫັນວ່າມີຄຸນທາດການເມືອງໜັກແໜ້ນ,ປະຕິບັດລະບຽບວິໄນຂອງພັກປະຊາຊົນປະຕິວັດລາວໄດ້ດີ ແລະ ມີຄຸນສົມບັດຄົບຖ້ວນແລ້ວຈຶ່ງໄດ້ສະເໜີໃຫ້ ສະຫາຍ ມີນາ ຈັນມະນີ ຮອງເລຂາຄະນະໜ່ວຍພັກຫ້ອງການພະແນກສຶກສາທິການ ແລະ ກິລາແຂວງ ຂື້ນມອບໃບຢັ້ງຢືນຮັບຮອງເອົາຢ່າງສົມກຽດ. ໂອກາດດຽວກັນສະຫາຍ ອຳພອນ ສີປະເສີດ ຍັງໄດ້ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການມອບບັດສະມາຊິກພັກສົມບູນຂອງພັກປະຊາຊົນປະຕິວັດລາວທີ່ຄົບຕາມມາດຖານເງື່ອນໄຂໄດ້ຮັບບັດໃນຮອບທີ V ຊຸດທີ 5 ຈຳນວນ 280 ສະຫາຍ,ຍິງ 67 ສະຫາຍ, ຜ່ານຂໍ້ຕົກລົງຂອງທ່ານເຈົ້າແຂວງຫຼວງພະບາງ ວ່າດ້ວຍການແຕ່ງຕັ້ງຫົວໜ້າ-ຮອງຫົວໜ້າຂະແໜງຂອງພະແນກສຶກສາທິການ ແລະ ກິລາແຂວງຫຼວງພະບາງ ຈຳນວນ 4 ທ່ານ,ຍິງ 1 ທ່ານຄື: ທ່ານ ບຸນເສັງ ພິລາວັນ ເປັນຫົວໜ້າຂະແໜງການສຶກສາກ່ອນໄວຮຽນ, ທ່ານ ນາງ ສີພະຈັນ ລິນທະວົງ ເປັນຮອງຫົວໜ້າຂະແໜງການສຶກສາກ່ອນໄວຮຽນ, ທ່ານ ຄຳຕັນ ທອນລັດສະໝີ ເປັນຮອງຫົວໜ້າຂະແໜງການສຶກສານອກໂຮງຮຽນ ແລະ ການຝຶກອົບຮົມວິຊາຊີບຂັ້ນພື້ນຖານ ແລະ ທ່ານ ສົມພອນ ດີລິວົງ ເປັນຮອງຫົວໜ້າຂະແໜງສາມັນສຶກສາ, ຜ່ານ ຂໍ້ຕົກລົງຂອງທ່ານຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງວ່າດ້ວຍການປັບປຸງ,ຊັບຊ້ອນພະນັກງານ-ລັດຖະກອນພາຍໃນພະແນກສຶກສາທິການ ແລະ ກິລາແຂວງຫຼວງພະບາງ. ນອກຈາກນີ້ ໃນພິທີ ຍັງໄດ້ຮັບຟັງການເຜີຍແຜ່ເອກະສານທີ່ສຳຄັນກ່ຽວວັນປະຫວັດສາດຂອງຊາດອີກຕື່ມ.
babcbebfbfbgbhbibj