162508225 3761993320537221 4070303101963050173 n
ຫຼວງພະບາງ ປະກາດຈົບຊັ້ນ ມ.ຕົ້ນບຳລຸງ ທົ່ວແຂວງຢ່າງເປັນທາງການ icon new

ແຂວງຫຼວງພະບາງໄດ້ຈັດພິທີ ປະກາດຈົບຊັ້ນມັດທະຍົມຕົ້ນບຳລຸງທົ່ວແຂວງຢ່າງເປັນທາງການໃນວັນທີ 19 ມີນາ 2021 ຜ່ານມາທີ່ສະໂມສອນໃຫຍ່ຫ້ອງວ່າການປົກຄອງແຂວງ ໂດຍການເປັນກຽດເຂົ້າຮ່ວມຂອງ ທ່ານ ນາງ ແສງເດືອນ ຫຼ້າຈັນທະບູນ

ລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ, ພ້ອມດ້ວຍ ການນໍາຈາກກະຊວງສຶກສາທິການ ແລະ ກິລາ, ການນຳ ແຂວງ ແລະ ພະແນກສຶກສາທິການ ແລະ ກິລາແຂວງຈາກ 9 ແຂວງພາກເໜືອ, ຕະຫຼອດຮອດຄະນະກຳມະການຮອບຜິຊອບພາຍໃນແຂວງເຂົ້າຮ່ວມຢ່າງພ້ອມພຽງ.

ໃນພິທີ, ທ່ານ ປອ ວົງເພັດ ອຸດົມລິດ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຜ່ານບົດສະຫຼຸບສະພາບການຈັດຕັ້ງປະຕິບັດ ແຜນພັດທະນາການສຶກສາ ແລະ ກິລາ ຂອງແຂວງຫຼວງພະບາງ ໃນໄລຍະຜ່ານມາ ແລະທິດທາງແຜນການ ໃນຕໍ່ໜ້າວ່າ: ໃນສົກປີ 2016 - 2020 ແຂວງຫຼວງພະບາງໄດ້ສືບຕໍ່ຈັດຕັ້ງການຮຽນ - ການສອນ ຂັ້ນລົບລ້າງຄວາມບໍ່ຮູ້ໜັງສື ໃຫ້ແກ່ເດັກເກນອາຍຸ 6-14 ປີທີ່ບໍ່ໄດ້ເຂົ້າຮຽນຊັ້ນປະຖົມ ແລະປະຊາຊົນອາຍຸ 15 - 40 ປີ ໄດ້ທັງໝົດ 186 ຄົນ, ຍິງ 108 ຄົນ , ໃນນີ້ ມີເດັກເກນອາຍຸ 6 - 14 ປີ ມີ 63 ຄົນ, ຍິງ 48 ຄົນ ແລະໄດ້ຈັດຕັ້ງການຮຽນບໍາລຸງຍົກລະດັບ ການສຶກສາຊັ້ນປະຖົມໄດ້ທັງໝົດ 1.986 ຄົນ, ຍິງ 1.086 ຄົນ, ໃນນີ້ ມີເດັກເກນອາຍຸ 6 -14 ປີ ຈໍານວນ 339 ຄົນ, ຍິງ 182 ຄົນ. ສ່ວນການບໍາລຸງຍົກລະດັບການສຶກສາ ຊັ້ນມັດທະຍົມຕອນຕົ້ນສໍາລັບປະຊາຊົນ ເກນອາຍຸ 15-35 ປີ ແລະ

ເດັກປະລະການຮຽນໃນຊັ້ນມັດທະຍົມຕອນຕົ້ນ
ໄດ້ຈັດຕັ້ງການຮຽນ - ການສອນ ເລີ່ມຈາກນະຄອນຫຼວງພະບາງ ແລະເມືອງຊຽງເງິນ ແຕ່ປີ 2009 ຈົນຮອດເດືອນ ທັນວາ 2020 ຈຶ່ງສໍາເລັດໃນທົ່ວແຂວງ ແລະໄດ້ສໍາເລັດ ການຈັດຕັ້ງພິທີປະກາດຈົບການສຶກສາຊັ້ນມັດທະຍົມຕອນຕົ້ນບໍາລຸງ ສໍາລັບປະຊາຊົນ ຢູ່ແຕ່ລະເມືອງ ຕາມລໍາດັບ ສາມາດສອບເສັງຈົບຊັ້ນ ມັດທະຍົມສຶກສາຕອນຕົ້ນບໍາລຸງໄດ້ທັງໝົດ 14.323 ຄົນ, ຍີງ 6.979 ຄົນ ເທົ່າກັບ 95,68%. ຈາກນັ້ນ ທ່ານ ນາງ ແສງເດືອນ ຫຼ້າຈັນທະບູນ ໄດ້ຂື້ນມອບໃບຢັ້ງຢືນແຂວງຫຼວງພະບາງ ເປັນແຂວງຈົບຊັ້ນມັດທະຍົມຕົ້ນບຳລຸງ ໃຫ້ກັບ ທ່ານ ຄໍາຂັນ ຈັນທະວີສຸກ ຢ່າງສົມກຽດ , ໂອກາດນີ້ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ມີຄຳເຫັນເນັ້ນໜັກ ໃຫ້ຄະນະນໍາຂົງເຂດການສກສາ-ກິລາ ເອົາໃຈໃສ່ຍົກສູງຄຸນນະພາບການສຶກສາທຸກຂັ້ນ, ທຸກຊັ້ນຮຽນ ທັງໃນລະບົບການສຶກສາໃນໂຮງຮຽນ ແລະນອກໂຮງຮຽນ ໃຫ້ສູງຂຶ້ນ, ຍົກສູງທາງດ້ານຄຸນນະພາບ ທາງດ້ານວິຊາສະເພາະຂອງນັກສຶກສາ ໃນສະຖາບັນການສຶກສາທຸກຂັ້ນ ໃຫ້ສູງຂຶ້ນ ສາມາທຽບເທົ່າພາກພື້ນ ແລະ ສາກົນໄດ້.

ໃນພິທີຄັ້ງນີ້ ໄດ້ມີການປະດັບຫຼຽນໄຊແຮງງານຊັ້ນ I ໃຫ້ 3 ກົມກອງ ແລະ 10 ທ່ານ, ຫຼຽນໄຊແຮງງານຊັ້ນ II ໃຫ້ 4 ກົມກອງ ແລະ 23 ທ່ານ, ຫຼຽນໄຊແຮງງານຊັ້ນ III ໃຫ້ 6 ກົມກອງ ແລະ 60 ທ່ານ , ຫຼຽນກາແຮງງານ ໃຫ້ 76 ທ່ານ, ມອບໃບຍ້ອງຍໍຂັ້ນລັດຖະບານ ໃຫ້ 107 ທ່ານ, ໃບຍ້ອງຍໍຂັ້ນກະຊວງສຶກສາທິການ ແລະ ກິລາ ໃຫ້ 206 ທ່ານ, ໃບຍ້ອງຍໍຂັ້ນທ່ານເຈົ້າແຂວງ ໃຫ້ 136 ທ່ານ, ໃບຍ້ອງຍໍຂັ້ນພະແນກສຶກສາທິການ ແລະ ກິລາແຂວງ ໃຫ້ 188 ທ່ານ ທີ່ມີຜົນງານປະກອບສ່ວນ ວຽກງານການສກສາຊັ້ນມັດທະຍົມຕົ້ນບຳລຸງຕື່ມອີກ.
161300435 3761993773870509 5772179589754924412 n161606883 3761996907203529 1014771793718700594 n161669636 3761998187203401 3603793918924296425 n161829033 3761997463870140 4404405797473798671 n161959017 3761994877203732 4670613829096581801 n162094250 3761995673870319 3369447872284436708 n162130207 3761993763870510 2389744999467264109 n162345327 3761997547203465 3012473298784355784 n162389969 3761995680536985 572378084656833789 n162461023 3761997727203447 1141518614578076068 n162508225 3761993320537221 4070303101963050173 n162528554 3761997647203455 688736114540583745 n162970744 3761993673870519 3310343762894017181 n163221971 3761995623870324 6279511277362586388 n163422122 3761997937203426 8522642046868367221 n

facebook

 banner

ສະຖິຕິການເຂົ້າຊົມ

077485
ມື້ນີ້
ມື້ວານ
ອາທິດນີ້
ອາທິດທີ່ແລ້ວ
ເດືອນນີ້
ເດືອນທີ່ແລ້ວ
ທັງໝົດ
454
572
2893
73422
5032
9285
77485

Your IP: 3.239.50.33
2021-10-17 09:30