167534312 3801107413292478 8784020136479848767 n
ສກຂ ຫຼວງພະບາງ ສຳເລັດການແຂ່ງຂັນກິລາບານເຕະນັກຮຽນໃນເທດສະບານນະຄອນ-ຫຼວງພະບາງ ຕ້ອນຮັບວັນສຳຄັນຂອງຊາດnew

ພະແນກສຶກສາທິການ ແລະ ກິລາແຂວງຫຼວງພະບາງສຳເລັດການແຂ່ງຂັນກິລາບານເຕະນັກຮຽນຊັ້ນມັດທະຍົມໃນເທດສະບານນະຄອນ-ຫຼວງພະບາງ

ຕ້ອນຮັບວັນສຳຄັນຂອງຊາດ ເມື່ອບໍ່ດົນຜ່ານມານີ້ ທີ່ເດີ່ນກິລານາຫຼວງ ນະຄອນ-ຫຼວງພະບາງໄດ້ມີພິທີສະຫຼຸບປິດກິລາບານເຕະນັກຮຽນໃນເທດສະບານນະຄອນ-ຫຼວງພະບາງ ໂດຍການເປັນປະທານ ແລະ ໃຫ້ກຽດກ່າວມອບຂອງຂວັນລາງວັນຂອງທ່ານ ຊາຍສະຫວັນ ຈັນມານິດ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີທ່ານຜູ້ອຳນວຍການ-ຮອງອຳນວຍການໂຮງຮຽນ,ຄູອາຈານ,ຄະນະກຳມະການຕັດສິນ,ຄູຝຶກ,ຄະນະນຳ ແລະ ນ້ອງນັກກິລາ ຕະຫຼອດຮອດກອງຊົມກອງເຊຍເຂົ້າຮ່ວມຢ່າງຫຼວງຫຼາຍ.

ການຈັດການແຂ່ງຂັນກິລານັກຮຽນຊັ້ນມັດທະຍົມປາຍໃນເທດສະບານນະຄອນ-ຫຼວງພະບາງຄັ້ງນີ້ກໍ່ເພື່ອເປັນການສ້າງຂະບວນການຂໍ່ານັບຊົມເຊີຍວັນທີ່ມີຄວາມໝາຍສຳຄັນຂອງຊາດໂດຍສະເພາະ ພິທີປະກາດແຂວງຫຼວງພະບາງເປັນແຂວງຈົບການສຶກສາຊັ້ນມັດທະຍົມຕົ້ນບໍາລຸງທົ່ວແຂວງຢ່າງເປັນທາງການ, ວັນສ້າງຕັ້ງພັກປະຊາຊົນປະຕິວັດລາວຄົບຮອບ 66 ປີ(22/3/1955-22/3/2021) ແລະ ອີກດ້ານໜຶ່ງກໍ່ເພື່ອເປັນການຄັດເລືອກເອົານັກກິລານັກຮຽນເພື່ອເປັນຕົວແທນຂອງແຂວງໃນການເຂົ້າຮ່ວມຊີງຂັນລັດຖະມົນຕີກະຊວງສຶກສາທິການ ແລະ ກິລາ (ທີ່ນະຄອນຫຼວງວຽງຈັນ) ສໍາລັບການແຂ່ງຂັນກິລາບານເຕະນັກຮຽນຊາຍໃນເທດສະບານນະຄອນ-ຫຼວງພະບາງຄັ້ງນີ້ແມ່ນຈະເລີ່ມເປີດແຕ່ວັນທີ 25 ກຸມພາ 2021 ເປັນຕົ້ນມາ ມີທັງໝົດ 7 ໂຮງຮຽນ(7 ທິມ)ເຂົ້າຮ່ວມຄື: ທີມຈາກ ໂຮງຮຽນ ມສ ເດັກກໍ່າພ້າ, ມສ SOS ແຮັກມານໄມເນີ, ມປ ພັນຫຼວງ, ມສ ປະຊາທິປະໄຕ, ມສ ປາກເຊືອງ, ມສ ສັນຕິພາບ ແລະ ມສ ຊົນເຜົ່າສວນຫຼວງ ຜ່ານການແຂ່ງຂັນຜົນປະກົດວ່າ ທັບນັກກິລາຈາກໂຮງຮຽນມັດທະຍົມສົມບູນສັນຕິພາບໄດ້ຮັບລາງວັນຊະນະເລີດ ອັນດັບທີ 1 ໄດ້ຮັບຂັນ 1 ໜ່ວຍພ້ອມດ້ວຍເງິນສົດ 4 ລ້ານກີບ, ຮອງຊະນະເລີດອັນດັບທີ 2 ເປັນທັບນັກກິລາຈາກ ໂຮງຮຽນ ມສ ປະຊາທິປະໄຕ ໄດ້ຮັບເງິນສົດ 3 ລ້ານກີບ, ສ່ວນອັນດັບທີ 3 ເປັນຂອງໂຮງຮຽນ ມສ ປ່ອງຄຳ ໄດ້ຮັບລາງວັນເງິນສົດ 2 ລ້ານກີບ ແລະ ລາງວັນເຊົມເຊີຍອັນດັບທີ 4 ໂຮງຮຽນ ມສ ກຽດຕິສັກນາໆຊາດຮັບເງິນສົດ 1 ລ້ານກີບ.

ໂດຍ: ແຈັກກີ້ ສກຂ ຫຼວງພະບາງ
167553038 3801108439959042 3575749904677103385 n167562739 3801106609959225 4867316314803449655 n167621929 3801108743292345 3201495393876357488 n167628662 3801108696625683 2673138775732523621 n167756968 3801106999959186 1078506917713288952 n167841594 3801106116625941 7984274739406446792 n167890802 3801108803292339 5842701316483979318 n168192724 3801108883292331 7978100378421218926 n

facebook

 banner

ສະຖິຕິການເຂົ້າຊົມ

077466
ມື້ນີ້
ມື້ວານ
ອາທິດນີ້
ອາທິດທີ່ແລ້ວ
ເດືອນນີ້
ເດືອນທີ່ແລ້ວ
ທັງໝົດ
435
572
2874
73422
5013
9285
77466

Your IP: 3.239.50.33
2021-10-17 08:42