ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

356219
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
420
227
647
353456
7506
13090
356219
Your IP: 34.229.126.29
2019-06-17 18:45

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພິທີເປີດການແຂ່ງຂັນກິລານັກຮຽນມັດທະຍົມສຶກສາທົ່ວແຂວງໃນວັນທີ່04/10/2016new

14484754 1767893363485682 3947059284612502208 n

    ເມື່ອຕອນເຊົ້າຂອງວັນທີ່ 04 ຕຸລາ 2016 ຜ່ານມາ ທີ່ສະໜາມກິລາ ແຂວງຫຼວງພະບາງ ໄດ້ມີພິທີເປີດການແຂ່ງຂັນກິລານັກຮຽນມັດທະຍົມສຶກສາທົ່ວແຂວງ ຂຶ້ນຢ່າງເປັນທາງການ, ໂດຍໃຫ້ກຽດເຂົ້າຮ່ວມຂອງທ່ານ ຄຳໝັ້ນ ຈັນທະລັງສີ ຮອງເຈົ້າແຂວງຫຼວງພະບາງ ທັງເປັນຜູ້ຊີ້ນຳວຽກງານຂົງເຂດວັດທະນະທຳ-ສັງຄົມຂອງແຂວງ ແລະ ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍຂະນະນຳຂັ້ນແຂວງ, ພະແນກອ້ອມຂ້າງແຂວງ, ຫ້ອງການສຶກສາທິການ ແລະ

ກິລາເມືອງ, ເຈົ້າເມືອງ-ຮອງເຈົ້າເມືອງ, ຕະຫຼອດຮອດຄູ-ອາຈານ, ນ້ອງນັກຮຽນ ແລະ ນັກກິລາເຂົ້າຮ່ວມຢ່າງພ້ອມພຽງ

          ການແຂ່ງຂັນກິລາໃນຄັ້ງນີ້ ມີທັງໝົດ 11 ປະເພດກິລາຄື: ແລ່ນ-ລານຍິງ-ຊາຍ, ເຕະບານຊາຍ, ບານສົ່ງຍິງ-ຊາຍ, ກະຕໍ້ຍິງ-ຊາຍ, ເປຕັງຍິງ-ຊາຍ, ໝາກຂ່າງຍິງ-ຊາຍ, ໜ້າເກັກຍິງ-ຊາຍ, ບານບ້ວງຍິງ-ຊາຍ, ດອກປີກໄກ່ຍິງ-ຊາຍ, ປິ່ງປ່ອງຍິງ-ຊາຍ ແລະ ໝາກເສິກຍິງ-ຊາຍ. ເຊິ່ງຈະມີການແຂ່ງຂັນຢູ່ສະໜາມກິລາໃນຮົ່ມບ້ານນາສ້າງເຫວີຍ ແລະ ສະໜາມກິລາໃຫ່ຍ ບ້ານ ນາຫຼວງ ໂດຍມີນັກກິລາຈາກ 12 ເມືອງໃນທົ່ວແຂວງ ແລະ ບັນດາໂຮງຮຽນມັດທະຍົມທີ່ມີເງື່ອນໄຂຈຳນວນໜຶ່ງເຂົ້າຮ່ວມແຂ່ງຂັນ. ສຳລັບການແຂ່ງຂັນດັ່ງກ່າວ ແມ່ນເລີ່ມມາແຕ່ວັນທີ່ 30 ກັນຍາ 2016 ແລະ ຈະສຳເລັດໃນວັນທີ່ 7 ຕຸລາ 2016 ເຊິ່ງຈະມີພິທີການແຂ່ງຂັນຢ່າງເປັນທາງການ ພ້ອມທັງສະເຫຼີມສະຫຼອງວັນຄູແຫ່ງຊາດ ຄົບຮອບ 22 ປີ ໄປພ້ອມກັນເລີຍ ເພື່ອເປັນການສ້າງຂະບວນການດັ່ງກ່າວໃຫ້ມີບັນຍາກາດຟົດຟື້ນ ແລະ ເບີກບານມ່ວນຊື່ນ ໂດຍສະເພາະແມ່ນໃນທົ່ວຂະແໜ່ງການສຶກສາ ແລະ ກິລາ. ຄຽງຄູ່ກັນນັ້ນ, ກໍ່ເປັນການຄັດເລືອກເອົານັກກິລານັກຮຽນມັດທະຍົມສຶກສາເປັນຕົວແທນຂອງແຂວງຫຼວງພະບາງ ໄປຮ່ວມແຂ່ງຂັນກິລາມັດທະຍົມສຶກສາທົ່ວປະເທດຄັ້ງທີ່ 6 ທີ່ແຂວງບໍລິຄຳໄຊເປັນເຈົ້າພາບ ໃນປີ 2017.

          ໃນໂອກາດນີ້, ທ່ານ ຄຳໝັ້ນ ຈັນທະລັງສີ ກ່າວວ່າ: ການແຂ່ງຂັນກິລາໃນຄັ້ງນີ້ ແມ່ນເປັນຂະບວນການຟົດຟື້ນ ເພາະມີຫຼາຍພາກສ່ວນເຂົ້າຮ່ວມພ້ອມນັ້ນ, ທ່ານຍັງໄດ້ເນັ້ນໜັກໃຫ້ທຸກພາກສ່ວນ ຈົ່ງພ້ອມກັນປະກອບສ່ວນເຮັດໃຫ້ການແຂ່ງຂັນກິລາມີຜົນສຳເລັດ ໂດຍສະເພາະນັກກິລາ ຕ້ອງສຸມໃສ່ການແຂ່ງຂັນດ້ວຍຄວາມສາມາດ ແລະ ເຄົາລົບລະບຽບຂອງການແຂ່ງຂັນ. ສ່ວນກຳມະການກໍ່ຕ້ອງຕັດສິນໃຫ້ມັນທ່ຽງທຳ ແລະ ມ່ວນຊົນທົ່ວໄປ ກໍ່ຕ້ອງໃຫ້ກຳລັງໃຈດ້ວຍການຊົມການເຊຍນັກກິລາແຕ່ລະປະເພດໃຫ້ຄຶກຄື້ນ ແລະ ມ່ວນຊື່ນ.