ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

342373
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
633
272
6488
335623
6750
0
342373
Your IP: 54.226.4.91
2019-05-19 06:49

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເມືອງນ້ຳບາກ ຄອງເຈົ້າຫຼຽນຄຳ ງານແຂ່ງຂັນກິລາເຂດ 1 , ສີ່ເມືອງເໜືອ ຄັ້ງທີ IV ແລ້ວພົບກັນໃໝ່     ປີ2020 ທີ່ເມືອງວຽງຄຳ new1

ທັບນັກກິລາເມືອງນ້ຳບາກເຈົ້າພາບສ້າງຜົນງານໄດ້ຢ່າງໂດດເດັ່ນຫຼັງຍາດໄດ້ທັງໝົດ 8 ຫລຽນຄໍາ, 6 ຫລຽນເງິນ ແລະ 2 ຫລຽນທອງ, ລວມ 16 ຫລຽນເປັນອັນດັບ 1 ຂອງຕາຕາລາງ ປິດສາກງານແຂ່ງຂັນກິລາເຂດ l, ທີ່ມາຈາກ4ເມືອງເໜືອຄື: ເມືອງງອຍ, ເມືອງວຽງຄໍາ , ເມືອງໂພນທອງ ແລະ ເມືອງນໍ້າບາກເຈົ້າພາບຄັ້ງທີ IV ທີ່ເມືອງນ້ຳບາກເປັນເຈົ້າພາບປີ 2018 ແລ້ວພົບກັນໃໝ່ ປີ2020 ທີ່ເມືອງວຽງຄຳຮັບກຽດເປັນເຈົ້າພາບ.

ພິທີປິດງານແຂ່ງຂັນໄດ້ຈັດຂື້ນໃນຕອນເຊົ້າຂອງວັນທີ 26 ກຸມພາ 2018 ຢູ່ເດີ່ນໂຮງຮຽນ ມສ ນ້ຳຖ້ວມ ໂດຍການເປັນທານຂອງ ທ່ານ ສົມພອນ ສີອຸດົມພັນ ເຈົ້າເມືອງນ້ຳບາກ ພ້ອມດ້ວຍຄະນະ, ເຂົ້າຮ່ວມພິທີມີ ທ່ານ ເອິງ ລໍສະຫວັນ ຫົວຫນ້າພະແນກສຶກສາທິການ ແລະ ກິລາ ແຂວງຫລວງພະບາງ ມີເຈົ້າເມືອງທັງ 4 ເມືອງ, ກໍາມະການ ແລະ ນັກກິລາເຂົ້າຮ່ວມ.

ການຈັດງານໃນຄັ້ງນີ້ກໍ່ເພື່ອໃຫ້ນັກກິລາໄດ້ມີໂອກາດພົບປະແລກປ່ຽນບົດຮຽນທາງດ້ານກິລາສົ່ງເສີມ ແລະ ສ້າງນັກກິລາຂອງເມືອງເຂົ້າຣ່ວມງານແຂ່ງຂັນກິລາໃນລະດັບຕ່າງໆ, ສ້າງສັນ, ຣັກແພງສ້າງຄວາມສາມັກຄີ, ທັງເປັນການຕ້ອນຮັບປີທ່ອງທ່ຽວລາວ ແລະ ຄັດເລືອກເອົານັກກິລາເຂົ້າຮ່ວມແຂ່ງຂັນງານມະຫາກໍາກິລາແຫ່ງຊາດທີ່ ແຂວງຊຽງແຂວງ ເປັນເຈົ້າພາບ ທີ່ຈະມາເຖິງນີ້. ງານແຂ່ງຂັນກິລາເຂດ l, 4ເມືອງເໜືອດັ່ງກ່າວໄດ້ເລີ່ມມາແຕ່ວັນທີ 23-26 ກຸມພາ 2018 ແລະ ໄດ້ປິດລົງໃນວັນທີ 26 ກຸມພາ  2018, ປະກອບມີປະເພດກິລາທີ່ແຂ່ງຂັນທັງໝົດ 7 ປະເພດ ແລະ 19 ລາຍການ, ມີຂັນຄອງຊະນະເລີດ 6 ໜ່ວຍຄື: ກິລາບານເຕະ( ຍິງ-ຊາຍ ), ກິລາບານສົ່ງ( ຍິງ-ຊາຍ ), ກິລາກະຕໍ້(ຍິງ-ຊາຍ), ກິລາດອກປີກໄກ່ດຽວ( ຍິງ-ຊາຍ ), ກິລາດອກປີກໄກ່ຄູ່( ຊາຍ ), ກິລາດອກປີກໄກ່ຄູ່ປະສົມ( ຍິງ-ຊາຍ ) ກິລາໜ້າເກັກດ່ຽວ( ຍິງ-ຊາຍ ), ກິລາໜ້າເກັກຄູ່( ຍິງ-ຊາຍ ), ກິລາໜ້າເກັກຄູ່ປະສົມ( ຍິງ-ຊາຍ )ກິລາໝາກຂ່າງຄູ່( ຊາຍ ), ກິລາໝາກຂ່າງປະເພດທິມ( ຊາຍ ),ກິລາແລ່ນ 800 ແມັດ(ຍິງ-ຊາຍ). ຜ່ານການແຂ່ງຂັນເຫັນວ່າ: ທີ 1 ເມືອງນ້ຳບາກ ໄດ້ 8 ຫລຽນຄໍາ, 6 ຫລຽນເງິນ ແລະ 2 ຫລຽນທອງ, ລວມ 16 ຫລຽນ, ທີ 2 ເມືອງງອຍ ໄດ້ 4 ຫລຽນຄໍາ, 2 ຫລຽນເງິນ ແລະ 6 ຫລຽນທອງ, ລວມ 12 ຫລຽນ, ທີ 3 ເມືອງວຽງຄຳ ໄດ້ 4 ຫລຽນຄໍາ  6 ຫລຽນເງິນ ແລະ 6 ຫລຽນທອງ, ລວມ 16 ຫລຽນ, ທີ 4 ເມືອງໂພນທອງ ໄດ້ 3 ຫລຽນຄຳ, 5 ຫລຽນເງິນ ແລະ 5 ຫລຽນທອງ  ລວມ 13 ຫລຽນ.  ຕອນທ້າຍຂອງພິທີ ທ່ານ ສົມພອນ ສີອຸດົມພັນ ເຈົ້າເມືອງນ້ຳບາກໄດ້ໃຫ້ກຽດມອບທຸງກິລາໃຫ້ເມືອງວຽງຄຳ ເພື່ອເປັນເຈົ້າພາບຄັ້ງທີ 5 ໃນປີ 2020 ແລະ ກ່າວຮັບທຸງໂດຍທ່ານ ອ່ອນຕາ ວັນນະຈັກ ເຈົ້າເມືອງວຽງຄຳ.

ໂດຍ: ແຈັກກີ້ ສກຂ ຫຼວງພະບາງ.vk28555117 1607341756016195 2134475636 o

28504794 1607342332682804 1555269508 o