ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

390332
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
112
229
1149
387776
4683
5964
390332
Your IP: 3.228.24.192
2019-10-23 08:41

ມີ 9  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະຮັບຜິດຊອບລົງກໍ່ສ້າງຮາກຖານສຶກສາທິການ ແລະ ກິລາ ແຂວງຫຼວງພະບາງຈັດກອງປະຊຸມຖອດຖອນ ວຽກງານ 6 ເດືອນຕົ້ນປີnew1 
ຄະນະຮັບຜິດຊອບລົງກໍ່ສ້າງຮາກຖານຂະແໜງການສຶກສາທິການ ແລະ ກິລາ ແຂວງຫຼວງພະບາງໄດ້ຈັດກອງປະຊຸມຖອດຖອນບົດຮຽນ ແລະ ສະຫຼຸບການຈັດຕັ້ງປະຕິບັດວຽກງານ 6 ເດືອນ ຕົ້ນປີເພື່ອເປັນການສະຫຼຸບວຽກງານຂອງຄະນະຮັບຜິດຊອບລົງກໍ່ສ້າງຮາກຖານເມືອງໂພນທອງ ແລະ ເມືອງປາກອູ ແລະ ຈະສືບຕໍ່ປະຕິບັດວຽກງານ 6 ເດືອນທ້າຍປີ ປະຈໍາປີ 2019 ໃຫ້ລະອຽດ.


ກອງປະຊຸມດັ່ງກ່າວໄດ້ຈັດຂື້ນ ເມື່ອວັນທີ 11 ກໍລະກົດ (7) 2019 ຜ່ານມາ ທີ່ພະແນກສຶກສາທິການ ແລະກິລາແຂວງຫຼວງພະບາງ ໂດຍການໃຫ້ກຽດເຂົ້າ ຮ່ວມຂອງ ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ; ທ່ານ ປອ ບຸນປັນ ໄຊມູ ນຕຣີ ຫົວໜ້າກົມແຜນການ ກະຊວງສຶກສາທິການ ແລະ ກິລາ,ມີບັນດາທ່ານຮອງຫົວໜ້າພະແນກສຶກສາທິການ ແລະ ກິລາແຂວງ, ຫົວໜ້າຫ້ອງການສຶກສາທິການ ແລະ ກິລາ ເມືອງ, ຫົວໜ້າສູນ-ຮອງສູນ, ຫົວໜ້າ-ຮອງຫົວໜ້າຂະແໜງ, ກອງເລຂາ 3 ສ້າງ ພະແນກສຶກສາທິການ ແລະ ກິລາແຂວງ, ຄະນະລົງກໍ່ສ້າງຮາກຖານເມືອງ ແລະ ພະນັກງານວິຊາການທີ່ກ່ຽວຂ້ອງຂອງພະແນກສຶກສາທິການ ແລະ ກິລາແຂວງ ເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຮັບຟັງຄໍາຄິດເຫັນຊີ້ແນະ ແລະ ກ່າວເປີດກອງປະຊຸມ ຂອງທ່ານປະທານກອງປະຊຸມຢ່າງເປັນທາງການແລ້ວ ຜູ້ແທນກອງປະຊຸມຍັງໄດ້ຮັບຟັງ ການສະເໜີລາຍງານ ແລະ ເຜີຍແຜ່ກ່ຽວກັບເນື້ອໃນບັນເອກະ ສານສໍາຄັນຕ່າງໆເປັນຕົ້ນ ເອກະສານມາດຕະຖານ 3 ສ້າງ ຂອງຂະແໜງການສຶກສາ ແລະ ກິລາ (ສະເພາະຂັ້ນພະແນກສຶກສາທິການ ແລະ ກິລາ ແຂວງ),ບົດລາຍງານຄວາມຄືບໜ້າ, ສະພາບບັນຫາ ແລະ ສິ່ງທ້າທາຍ ການເຄື່ອນໄຫວຈັດຕັ້ງປະຕິບັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ ປະຈໍາປີ 2019 ຂອງຄະນະຮັບຜິດຊອບລົງກໍ່ສ້າງຮາກຖານເມືອງໂພນທອງ ແລະ ເມືອງປາກອູ,ບົດສະເໜີແຜນການຈັດຕັ້ງປະຕິບັດທີ່ເປັນບູລິມະສິດ ປະຈໍາ 6 ເດືອນຕົ້ນປີ, ສະເໜີແຜນ 6 ເດືອນທ້າຍປີ ແລະ ບົດສະເໜີບາງໂຄງການທີ່ເປັນບູລິມະສິດ ຂອງ 2 ເມືອງ ເປົ້າໝາຍ ຄື: ເມືອງປາກອູ ແລະ ເມືອງໂພນທອງ, ນອກຈາກນັ້ນ, ຜູ້ເຂົ້າຮ່ວມກອງປະຊຸມຍັງໄດ້ຄົ້ນຄ້ວາ, ສົນທະນາ, ແລກປ່ຽນບົດຮຽນ ແລະ ປະກອບຄໍາເຫັນໃສ່ບົດລາຍງານຄວາມຄືບໜ້າ, ສຶກສາສະພາບບັນຫາ ແລະ ສິ່ງທ້າທາຍ ການເຄື່ອນໄຫວຈັດຕັ້ງປະຕິບັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ ປະຈໍາປີ 2019 ຂອງຄະນະລົງກໍ່ສ້າງຮາກຖານເມືອງໂພນທອງ, ເມືອງປາກອູ, ສະເໜີແຜນການຈັດຕັ້ງປະຕິບັດທີ່ເປັນບູລິມະສິດ ປະຈໍາ 6 ເດືອນຕົ້ນປີ, ສະເໜີແຜນ 6 ເດືອນທ້າຍປີ ແລະ ບົດສະເໜີບາງໂຄງການບູລິມະສິດຂອງສອງເມືອງດັ່ງກ່າວຢ່າງກົງໄປກົງມາ ເພື່ອຊອກໃຫ້ເຫັນໄດ້ສະພາບບັນຫາ, ສາເຫດ ແລະ ວິທີການປັບປຸງແກ້ໄຂໃນຕໍ່ໜ້າ, ແນໃສ່ເຮັດໃຫ້ບົດລາຍງານມີເນື້ອໃນຄົບຖ້ວນ ແລະ ສົມບູນຍິ່ງຂື້ນ ພ້ອມທັງ ເຫັນດີ ເປັນເອກະພາບກັນ ຮັບຮອງເອົາເນື້ອໃນບາງບັນຫາ ແລະ ມາດຕະການໃນການຈັດຕັ້ງປະຕິບັດໃນຕໍ່ໜ້າຄື: ເຫັນດີຮັບຮອງເອົາບົດລາຍງານຄວາມຄືບໜ້າ, ການສຶກສາສະພາບບັນຫາ ແລະ ສິ່ງທ້າທາຍ ການເຄື່ອນ ໄຫວຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ ປະຈໍາປີ 2019 ຂອງຄະນະຮັບຜິດຊອບລົງກໍ່ສ້າງຮາກຖານ ຂອງ 2 ເມືອງຄ: ເມືອງໂພນທອງ ແລະ ເມືອງປາກອູ, ມອບໃຫ້ຄະນະຮັບຜິດຊອບລົງກໍ່ສ້າງຮາກຖານ ທີ່ປະຈໍາຢູ່ສອງເມືອງ ປະສານສົມທົບກັບອໍານາດການປົກຄອງເມືອງ, ຫ້ອງການສຶກສາທິການ ແລະ ກິລາເມືອງ, ຄະນະບໍລິຫານກຸ່ມສຶກສາ, ຜູ້ອໍານວຍການໂຮງຮຽນ ແລະ ພາກສ່ວນທີ່ກ່ຽວຂ້ອງ ຈັດຕັ້ງປະຕິບັດໃຫ້ໄດ້ຮັບຜົນຕາມເປົ້າໝາຍທີ່ກໍານົດໄວ້.
ໂດຍ: ແຈັັກກີ້ ສກຂ ຫຼວງພະບາງ.67129913 2285714998165068 6265868066614149120 n

66861775 2285714964831738 110155646170562560 n