ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

406949
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
186
198
2610
401808
2610
9530
406949
Your IP: 3.231.229.89
2019-12-06 10:46

ມີ 9  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສກຂ ຫຼວງພະບາງ ຕີລາຄາວຽກງານກຳມະບານ ພ້ອມຍ້ອງຍໍຜູ້ດີເດັ່ນ ໄລຍະ 5 ປີ(2014-2019) 

ພະແນກສຶກສາທິການ ແລະ ກິລາແຂວງຫຼວງພະບາງໄດ້ຈັດກອງປະຊຸມໃຫຍ່ຄັ້ງທີ 7 ຂອງສະຫະພັນກຳມະບານ ເພື່ອເປັນການຕີລາຄາຄືນວຽກງານທີ່ພົ້ນເດັ່ນ ແລະ ຂໍ້ຄົງຄ້າງ ພ້ອມທັງເປັນການຍ້ອງຍໍຜູ້ທີ່ມີຜົນງານດີເດັ່ນປະກອບສ່ວນເຂົ້າໃນວຽກງານກຳມະບານຕະຫຼອດໄລຍະ 5 ປີຜ່ານມາ(2014-2019).

ກອງປະຊຸມໄດ້ຈັດຂື້ນເມື່ອງວັນທີ 7 ມິຖຸນາ 2019 ຜ່ານມາທີ່ພະແນກດັ່ງກ່າວ, ໂດຍເປັນກຽດເຂົ້າຮ່ວມຂອງສະຫາຍ ນາງອຳພອນ ສີວິໄລສັກ ກຳມະການພັກແຂວງຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານແຂວງຫຼວງພະບາງ, ສະຫາຍ ເອິງ ລໍສະຫວັນ ກຳມະການພັກແຂວງ ເລຂາຄະນະພັກຮາກຖານ ຫົວໜ້າພະແນກສຶກສາທິການ ແລະ ກິລາແຂວງ,ສະຫາຍ ສົມລິດ ຈັນທະມາລີ ປະທານກຳມະບານຮາກຖານ ຮອງຫົວໜ້າພະແນກສຶກສາທິການ ແລະ ກິລາແຂວງ,ມີຄະນະເລຂາ ຊາວໜຸ່ມ, ປະທານສະຫະພັນແມ່ຍິງ, ສະມາຊິກກຳມະບານພາຍໃນພະແນກສຶກສາທິການ ແລະ ກິລາ ພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ, ສະຫາຍ ສົມລິດ ຈັນທະມາລີ ປະທານກຳມະບານຮາກຖານ ພະແນກສຶກສາທິການ ແລະ ກິລາໄດ້ຜ່ານບົດລາຍງານການເມືອງຂອງສະຫະພັນກຳມະບານຮາກຖານພະແນກສຶກສາທິການ ແລະ ກິລາຕໍ່ກອງປະຊຸມດັ່ງກ່າວ ໂດຍໄດ້ຕີລາຄາສະພາບການຈັດຕັ້ງປະຕິບັດວຽກງານໃນໄລຍະປີ 2014-2019 ກຳມະບານຮາກຖານພະແນກສຶກສາທິການ ແລະ ກິລາແຂວງປະກອບມີ 7 ຈຸ, ມີຄະນະປະທານ 3 ສະຫາຍ,ຍິງ 1 ສະຫາຍ,ມີສະມາຊິກກຳມະບານທັງໝົດ 103 ສະຫາຍ,ຍິງ 37 ສະຫາຍ ໃນນີ້ສະມາຊິກກຳມະບານເປັນສະມາຊິກແມ່ຍິງ 34 ສະຫາຍ,ເປັນສະມາຊິກຊາວໜຸ່ມ 44 ສະຫາຍ,ຍິງ 25 ສະຫາຍ ແລະ ເປັນສະມາຊິກພັກສົມບູນ 65 ສະຫາຍ,ຍິງ 22 ສະຫາຍ,ສະມາຊິກສຳຮອງ 9 ສະຫາຍ, ຍິງ 4 ສະຫາຍ ຕະຫຼອດໄລຍະ 5 ປີຜ່ານມາກຳມະບານຮາກຖານໄດ້ຕັ້ງໜ້າເອົາໃຈໃສ່ຊີ້ນຳ ນຳພາສະມາຊິກກຳມະບານພາຍໃນໜ່ວຍເຄື່ອນໄຫວຈັດຕັ້ງປະຕິບັດວຽກງານໂດຍຖືເອົາວຽກງານການສຶກສາອົບຮົມທາງດ້ານການເມືອງ-ແນວຄິດເປັນບັນຫາສຳຄັນຕົ້ນຕໍໃນການຄຸ້ມຄອງພະນັກງານ-ລັດຖະກອນ,ສະມາຊິກກຳມະບານ ນຳເອົາແນວທາງນະໂຍບາຍຂອງພັກ,ກົດໝາຍຂອງລັດນິຕິກຳຕ່າງໆໂດຍສະເພາະທິດທາງແຜນການຂອງສະຫະພັນກຳມະບານແຂວງມາຜັນຂະຫຍາຍຈັດຕັ້ງປະຕິບັດເປັນຕົ້ນຈັດຕັ້ງການປາຖະກາຖາ,ເຫຼົ່າມູນເຊື້ອ,ຮັບຟັງການໂອ້ລົມຂອງຂັ້ນເທິງອັນເປັນການສຶກສາແນວຄິດໃຫ້ແກ່ກຳມະບານຂອງຕົນ,ນຳເອົາແນວທາງແຜນພັດທະນາການສຶກສາໃນແຕ່ລະສົກຮຽນມາຜັນຂະຫຍາຍໃຫ້ໄດ້ຮັບຜົນດີ,ສູ້ຊົນໃຫ້ສະມາຊິກກຳມະບານໄດ້ເຂົ້າຮໍ່າຮຽນທິດສະດີການເມືອງ 45 ວັນ ແລະ ຮຽນທິດສະດີການເມືອງການປົກຄອງຂອງແຂວງ, ເອົາໃຈໃສ່ການແກ້ໄຂປະກົດການຫຍໍ້ທໍ້ຕ່າງໆທີ່ເກີດຂື້ນໃນຂະແໜງການສຶກສາ, ສາມາດບັນລຸສະຫັດສະຫວັດດ້ານການພັດທະນາການສຶກສາ ຊື່ງສະແດງອອກໃນປີຜ່ານມາອັດຕາເຂົ້າຮຽນສຸດທິຊັ້ນປະຖົມບັນລຸໄດ້ 99,49%, ອັດຕາລອດເຫຼືອຮອດ ປ5 ບັນລຸໄດ້ 87,55% ດັດສະນີຄວາມສະເໝີພາບລະຫວ່າງຍິງ-ຊາຍໃນແຕ່ລະຊັ້ນແມ່ນ 0,99% ແລະ ສາມາດປະກາດຈົບຊັ້ນມັດທະຍົມຕົ້ນບໍາລຸງໄດ້ 10 ໃນເມືອງທົ່ວແຂວງ, ຈັດຝຶກອົບຮົມປຸງແຕ່ງອາຫານໄລຍະສັ້ນໃຫ້ເມືອງໄດ້ 5 ເມືອງ,ຝຶກອົບຮົມໃຫ້ເອື້ອບນ້ອງແມ່ຍິງໄດ້ 50 ຄົນ ພ້ອມທັງມີການພົວພັນກັບບັນດາປະເທດເພື່ອນມິດໃນການນຳສົ່ງນັກຮຽນ ແລະ ພະນັກງານໃນການໄປຮຽນຕໍ່ຕ່າງປະເທດ.

ສຳລັບທິດທາງໃນຕໍ່ໜ້າແມ່ນເອົາໃຈໃສ່ປະຕິບັດມະຕິຄຳສັ່ງຂອງຂັ້ນເທິງຢ່າງເຂັ້ມງວດ,ປະຕິບັດໂມງເມລາລັດຖະການ,ເອົາໃຈໃສ່ປະຕິບັດວຽກງານວິຊາສະເພາະ,ພັດທະນາຄວາມຮູ້ຄວາມສະມາດມີນ້ຳໃຈຮັບຜິດຊອບ ແລະ ສູ້ຊົນແກ້ໄຂປະກົດການຫຍໍ້ທໍ້ໃຫ້ທັນການ ແລະ ມີຄວາມຍຸຕິທຳ ພ້ອມເຮັດສຳເລັດວຽກງານທີ່ການຈັດຕັ້ງມອບໝາຍໃຫ້, ນຳເອົາທິດທາງແຜນການຂອງຫະຫະພັນກຳມະບານແຂວງມາຈັດຕັ້ງຜັນຂະຫຍາຍເລັ່ງໃສ່ວຽກງານການແຂ່ງຂັນ5 ເປັນເຈົ້າຕິດພັນກັບຂະບວນການແຂ່ງຂັນຮັກຊາດ ແລະ ວຽກງານ 3 ສ້າງໃຫ້ໄດ້ຮັບຜົນດີ.

ນອກຈາກນີ້, ໃນກອງປະຊຸມຍັງໄດ້ບ່ອນບັດຄັດເລືອກເອົາຄະນະສະຫະພັນກຳມະບານຊຸດໃໝ່ ໂດຍເລືອກໄດ້ສະຫາຍ ປອ ວົງເພັດ ອຸດົມລິດ ເປັນປະທານ, ສະຫາຍ ປທ ວັນທອງ ແພງສະຫວັດ ເປັນຮອງປະທານ, ສະຫາຍ ບຸນເສັງ ພິລາວັນ ເປັນຄະນະກວດກາ ເພື່ອສືບຕໍ່ປະຕິບັດ ພັດທະນາວຽກງານຂອງສະຫະພັນກຳມະບານຮາກຖານພະແນກສຶກສາທິການ ແລະ ກິລາແຂວງດີຂື້ນເປັນກ້າວໆ ພ້ອມດຽວກັນນີ້ໃນກອງປະຊຸມຍັງໄດ້ມອບໃບຍ້ອງຍໍສະຫະພັນກຳມະບານຂັ້ນແຂວງໃຫ້ແກ່ສະມາຊິກກຳມະບານທີ່ປະກອບສ່ວນສ້າງຜົນງານໃນໄລຍະ 5 ປີ(2014-2019) ຈຳນວນ 30 ສະຫາຍ,ຍິງ 9 ສະຫາຍ.

ໂດຍ: ແຈັກກີ້ ສກຂ ຫຼວງພະບາງ.64205499 2229073590495876 6622049489723064320 n62601310 2229073817162520 6131330135917330432 n62433167 2229073683829200 8630010167334797312 n62425515 2229077890495446 6528913501866426368 n62360627 2229073897162512 5948477422323105792 n62305648 2229078427162059 3731469742838382592 n

64362649 2229077320495503 5981875800981372928 n