ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

382629
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
107
165
1280
379685
2944
11592
382629
Your IP: 34.204.176.189
2019-09-15 06:29

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ໂຄງການຊ່ວຍເຫຼືອເດັກສາກົນສະຫຼຸບຕີລາຄາຄືນການຈັດຕັ້ງປະຕິບັດໂຄງການປະຈຳປີ2017 ແລະ ວາງທິດທາງແຜນການ 2018 icon new

ເພື່ອສະຫຼູບລາຍງານຜົນສຳເລັດ ແລະ ຜົນໄດ້ຮັບຂອງການຈັດຕັ້ງປະຕິບັດໂຄງການສົ່ງເສີມການເຂົ້າເຖິງການສຶກສາກ່ອນໄວຮຽນ ແລະ ປະຖົມສືກສາ ລວມທັງສິ່ງທ້າທາຍ,ບົດຮຽນທີ່ຖອດຖອນໄດ້,ທິດທາງແກ້ໄຂໃນຕໍ່ໜ້າ ແລະ ຂໍ້ສະເໜີອື່ນໆກ່ຽວກັບການຈັດຕັ້ງປະຕິບັດໂຄງການ ພ້ອມທັງເປັນການນຳສະເໜີກິດຈະກຳ ແລະ ງົບປະມານຈອງໂຄງການສຳລັບປີ 2018 ເມື່ອວັນທີ 7 ມີນາຜ່ານມາ ທີ່ຫ້ອງການສຶກສາທິການ ແລະ ກິລາເມືອງງອຍ ແຂວງຫຼວງພະບາງໄດ້ຈັດກອງປະຊຸມສະຫຼຸບ-ລາຍງານກ່ຽວກັບການຈັດຕັ້ງປະຕິບັດໂຄງການສົ່ງເສີມການເຂົ້າເຖິງການສຶກສາກ່ອນໄວຮຽນ ແລະ ປະຖົມສືກສາ(LEARN)ປະຈຳປີ2017 ແລະ ວາງທິດທາງ

ແຜນການປີ 2018 ໂດຍການໃຫ້ກຽດເຂົ້າຮ່ວມເປັນປະທານ ຂອງທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ, ທ່ານ ວິພາກອນ ສີປະດິດ ຫົວໜ້າຫ້ອງການປະສານງານອົງການຊ່ວຍເຫຼືອເດັກປະຈຳແຂວງຫຼວງພະບາງ,ມີ ທ່ານຫົວໜ້າ-ຮອງຫົວໜ້າ ຂະແໜງສຶກສາກ່ອນໄວຮຽນ,ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ,ພະນັກງານ,ຄູສອນ 3 ເມືອງເປົ້າໝາຍ(ເມືອງງອຍ,ເມືອງນ້ຳບາກ,ເມືອງໂພນທອງ) ແລະ ວິຊາການພາກສ່ວນກ່ຽວຂ້ອງເຂົ້າຮ່ວມ.   

              ໃນພິທີ ທ່ານ ຫຸມພັັນ ສຸລິວົງໄຊ ຫົວໜ້າໂຄງການຊ່ວຍເຫຼືອເດັກໄດ້ນຳສະເໜີສະພາບລວມຂອງໂຄງການສົ່ງເສີມການເຂົ້າເຖິງການສຶກສາກ່ອນໄວຮຽນ ແລະ ປະຖົມສືກສາໂດຍຫຍໍ້ ຄະນະດຽວກັນຜູ້ແທນກອງປະຊຸມ,ຄູສອນ ປ1,2 ກໍ່ໄດ້ນຳສະເໜີ ແລກປ່ຽນກ່ຽວກັບການສິດສອນວິຊາພາສາລາວຢູ່ໃນໂຮງຮຽນໂດຍມີການສອດແຊກກິດຈະກຳ ແລະ ເກມຮຽນຮູ້ຕ່າງໆເຂົ້າໃນການສອນພ້ອມທັງປະກອບຄຳຄິດຄຳເຫັນສັງເກດຕີລາຄາລວມຕໍ່ຜົນໄດ້ຮັບຂອງການຈັດຕັ້ງປະຕິບັດໂຄງການໄລຍະຜ່ານມາພ້ອມທັງສົນທະນາແລກປ່ຽນບົດຮຽນເຊີ່ງກັນ ແລະ ກັນຢ່າງກົງໄປກົງມາເພື່ອຊອກຫາວິທີແກ້ໄຂຂໍ້ທີ່ຍັງບົກຜ່ອງພ້ອມທັງວາງແຜນການເພື່ອເຮັດໃຫ້ການປະຕິບັດໂຄງການໃນຕໍ່ໜ້າໃຫ້ໄດ້ຜົນດີ,ໃນກອງປະຊຸມດັ່ງກ່າວຍັງໄດ້ຄົ້ນຄ້ວາເຫັນດີຕົກລົງເປັນເອກະພາບກັບມະຕິຮ່ວມກ່ຽວກັບບົດສະຫຼູບການຈັດຕັ້ງປະຕິບັດຂອງໂຄງການປີ2017 ພ້ອມຮັບຮອງເອົາແຜນກິດຈະກຳປີ2018 ແລະ ເຊັນສັນຍາ MOU ໃຫ້ສຳເລັດຕາມແຜນ,ປັບປຸງເອກະສານໃນການຝຶກອົບຮົມຕ່າງໆໃຫ້ສອດຄ່ອງກັບສະພາບຕົວຈິງຂອງທ້ອງຖິ່ນ,ສືບຕໍ່ສົ່ງເສີມນະໂຍບາຍຕໍ່ຄູອາສາສະໝັກຂັ້ນບ້ານ.

ໂອກາດດຽວກັນນີ້ ທ່ານ ເອິງ ລໍສະຫວັນ ກໍ່ໄດ້ກ່າວສະແດງຄວາມຊົມເຊີຍຕໍ່ຜົນສຳເລັດກ່ຽວກັບການຈັດຕັ້ງປະຕິບັດກິດຈະກຳໂຄງການໃນໄລຍະຜ່ານມາ ໂດຍສະເພາະວິຊາການທີ່ໄດ້ລົງໃຫ້ຄວາມຮ່ວມມືໃນການໃກ້ສິດຕິດແທດກັບທ້ອງຖິ່ນກ່ຽວກັບການຊຸກຍູ້ສົ່ງເສີມດ້ານວິຊາການກັບຄູສອນຕົວຈິງນອກນີ້ທ່ານຍັງໄດ້ຮຽກຮ້ອງໃຫ້ຄະນະຮັບຜິດຊອບແຕ່ລະພາກສ່ວນທີ່ກ່ຽວຂ້ອງຈົ່ງພ້ອມກັນໃຫ້ການຮ່ວມມືເພື່ອປະສານງານໃຫ້ຖືກຕ້ອງສອດຄ່ອງກັບວຽກງານທີ່ໄດ້ລົງນາມຮ່ວມກັນ,ພ້ອມກັນປັບປູງແກ້ໄຂຂໍ້ທີ່ເປັນສິ່ງທ້າທາຍ,ຄູອາຈານກໍ່ຕ້ອງໄດ້ເປັນເຈົ້າການ,ເປັນແບບຢ່າງທີ່ດີໃຫ້ຫຼານນ້ອຍນັກຮຽນ,ຄູສອນກໍ່ຕ້ອງຖືເອົາ5ຫຼັກມູນ,3 ຂໍ້ແຂ່ງຂັນໃນການປະຕິບັດວຽກງານຂອງຕົນພ້ອມນັ້ນກໍ່ຕ້ອງໄດ້ຮ່ວມມືກັບຄະນະພັດນາການສຶກສາຂັ້ນທ້ອງຖິ່ນ,ອຳນາດການປົກຄອງບ້ານໃນການມີສ່ວນຮ່ວມເພື່ອກະຕຸກຊຸກຍູ້ວຽກງານການສຶກສາໃຫ້ມີທ່າກ້າວຂື້ນຢ່າງບໍ່ຢຸດຢັ້ງ.

ໂດຍ: ແຈັກກີ້ ສກຂ ຫຼວງພະບາງ28927917 1621148151302222 1721061438 o

28942550 1621148174635553 215764539 o