ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

342384
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
644
272
6499
335623
6761
0
342384
Your IP: 54.226.4.91
2019-05-19 07:06

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເມືອງປາກອູ ສຳເລັດການຍົກລະດັບວິທີການສອນຫ້ອງຄວບໃຫ້ແກ່ຄູສອນຊັ້ນປະຖົມສຶກສາ new

             ຫ້ອງການສຶກສາທິການ ແລະ ກິລາເມືອງປາກອູ ແຂວງຫຼວງພະບາງສຳເລັດການບຳລຸງຍົກລະດັບວິທີສອນຫ້ອງຄວບໃຫ້ແກ່ຄູສອນຊັ້ນປະຖົມສຶກສາ, ຕອນບ່າຍຂອງວັນທີ 28 ກຸມພາ ຜ່ານມາ ທີ່ຫ້ອງການດັ່ງກ່າວ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ນາງບົວທອງ ຕັນແສນສີ ຮອງຫົວໜ້າພະແນກສຶກສາທິການ ແລະ ກິລາແຂວງ,ທ່ານ ສົມສະໄຫວ ສີບຸນໂຮມ ຮອງຫົວໜ້າຫ້ອງການສຶກສາທິການ ແລະ ກິລາເມືອງປາກອູ,ມີ ພະນັກງານ,ຄູສຶກສານິເທດ,ຜູ້ອຳນວຍການໂຮງຮຽນ,ຄູອາຈານສອນຫ້ອງຄວບ ແລະ ພາກສ່ວນກ່ຽວຂ້ອງເຂົ້າຮ່ວມ.

             ໂອກາດນີ້ ທ່ານ ອຳພອນ ສີປະເສີດ ຮອງຫົວໜ້າຂະແໜງພັດທະນາຄູໄດ້ກ່າວໃຫ້ຮູ້ວ່າ: ການຝຶກອົບຮົມວິທີການສອນຫ້ອງຄວບໃຫ້ແກ່ຄູສອນຊັ້ນປະຖົມສຶກສາຄັ້ງນີ້ກໍ່ເພື່ອເປັນການເສີມສ້າງ ແລະ ເຮັດໃຫ້ຄູສອນຫ້ອງຄວບໄດ້ເຂົ້າໃຈວິທີການແຕ່ງບົດສອນຫ້ອງຄວບ,ເຮັດໃຫ້ຄູມີທັກສະ ແລະ ເທັກນິກໃນການສອນທີ່ດີ,ມີຄວາມເຂົ້າໃຈວິທີການສອນຫ້ອງຄວບ,ນອກນີ້ຍັງເປັນການສ້າງຂີດຄວາມສາມາດດ້ານປະສົບການໃນການສອນຫ້ອງຄວບໃຫ້ໄດ້ດີຂື້ນ,ການຈັດຕັ້ງການຮຽນ-ການສອນຫ້ອງຄວບແມ່ນມີຄວາມສຳຄັນ ແລະ ຈຳເປັນທີ່ສຸດ ເນື່ອງຈາກວ່າການສອນຫ້ອງຄວບມີແນວໂນມ ແລະ ທ່າອ່ຽງເພີ່ມຂື້ນ ມາໃນສົກຮຽນ 2017-2018 ເມືອງປາກອູມີຄູສອນຫ້ອງຄວບຈຳນວນ 51 ຄົນ,ເຖິງວ່າທາງຫ້ອງການສຶກສາທິການ ແລະ ກິລາເມືອງໄດ້ມີການຈັດຝຶກອົບຮົມຄູສອນຫ້ອງຄວບມາແລ້ວກໍ່ຕາມແຕ່ກໍ່ບໍ່ທັນທົ່ວເຖິງ,ຍັງມຮຄູສອນຈຳນວນໜຶ່ງຍັງບໍ່ໄດ້ຜ່ານການຝຶກອົບຮົມ ຈາກຜົນການປະເມີນການສອນຫ້ອງຄວບເຫັນວ່າຄູສອນສ່ວນຫຼາຍຍັງຂາດເຕັກນິກ ແລະ ວິທີການແຕ່ງບົດສອນ,ວິທີສອນທາງກົງ-ທາງອ້ອມ,ການບໍລິຫານເວລາ ແລະ ການຈັດກິດຈະກຳຍັງບໍ່ທັນໄດ້ດີ ຜ່ານການຈັດຕັ້ງການຮຽນ-ການສອນແຕ່ວັນທີ 26-28 ກຸມພາ ນີ້ເຫັນວ່າສໍາມະນາກອນສາມາດຮູ້ ແລະ ເຂົ້າໃຈກ່ຽວກັບການສອບຫ້ອງຄວບ,ການຈັດກິດຈະກຳ,ການບໍລິຫານເວລາ ແລະ ສາມາດຕີລາຄາຜົນການຮຽນ-ການສອນໄດ້ຄື: ກ່ອນການຝຶກຄູສອນມີຄວາມຮູ້ກ່ຽວກັບການສອນຫ້ອງຄວບພຽງແຕ່ 2,48% ແລະ ຫຼັງການຝຶກເຫັນວ່າຄູສອນຫ້ອງຄວບໄດ້ມີຄວາມເຂົ້າໃຈຫຼາຍຂື້ນ 7,48%. ຄະນະດຽວກັນ ທ່ານ ນາງບົວທອງ ຕັນແສນສີ ໄດ້ມີຄຳເຫັນໂອ້ລົມຕໍ່ພິທີດັ່ງກ່າວ ກ່ອນອື່ນທ່ານໄດ້ນຳເອົາຄວາມຢ້ຽມຢາມຖາມຂ່າວອັນອົບອຸ່ນ ພ້ອມທັງຍ້ອງຍໍຊົມເຊີຍຕໍ່ຄະນະຮັບຜິດຊອບ ແລະ ນັກສຳມະນາກອນທີ່ໄດ້ສະຫຼະເວລາເພື່ອເຂົ້າຮ່ວຝການບໍາລຸງຍົກລະດັບໃນຄັ້ງນີ້ ພ້ອມກັນນັ້ນທ່ານກໍ່ໄດ້ເນັ້ນໜັກໃຫ້ຄູສອນທຸກຄົນຈົ່ງໄດ້ສືບຕໍ່ໃນການບໍລຸງຍົກລະດັບຂອງຕົນ,ພ້ອມທັງນຳບົດບົດຮຽນທີ່ໄດ້ຮັບຈາກການຝຶກອົບຮົມຄັ້ງນີ້ໄປຈັດຕັ້ງຜັດຂະຫຍາຍໃນວຽກງານຕົວຈິງ,ຖືເອົາຈັນຍາບັນຂອງຄູໃນການປະຕິບັດການຮຽນ-ການສອນ,ພ້ອມທັງປັບປຸງກົດລະບຽບວິໄນຂອງໂຮງຮຽນໃຫ້ສອດຄ່ອງກັບທ້ອງຖິ່ນ,ຕ້ອງມີການຖອດຖອນແລກປ່ຽນບົດຮຽນເຊິ່ງກັນ ແລະ ກັນພ້ອມກັບປະກອບສ່ວນໃນການສ້າງສາພັດທະນາປະເທດຊາດເວົ້າລວມເວົ້າສະເພາະກໍ່ຄືການກໍ່ສ້າງຊັບພະຍາກອນມະນຸດໃຫ້ມີຄວາມຮູ້ຄວາມສາມາດ,ສືບຕໍ່ເສີມຂະຫຍາຍວຽການການສຶກສາຂອງເມືອງປາກອູໃຫ້ໄດ້ຮັບຜົນດີທັງປະລິມານ ແລະ ຄຸນນະພາບມີທ່າກ້າວຂື້ນໄປເລື້ອຍໆ.

                                                                ໂດຍ: ແຈັກກີ້ ສກຂຫຼວງພະບາງ.pakou1

pak2