ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

390348
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
128
229
1165
387776
4699
5964
390348
Your IP: 3.228.24.192
2019-10-23 09:11

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພົບປະແລກປ່ຽນບົດຮຽນລະຫວ່າງ ຄະນະຜູ່ບໍລິຫານ ມະຫາວິທະຍາໄລເສດຖະສາດ ແລະ ບໍລິຫານທຸລະກິດ ແຂວງ ທວ່າຍຫງຽນ ແຫ່ງ ສສ ຫວຽດນາມ ແລະ ຄະນະຜູ່ບໍລິຫານ ພະແນກສຶກສາທິການ ແລະ ກິລາ ແຂວງຫຼວງພະບາງ

ຕອນເຊົ້າຂອງວັນທີ 21 ​ເມສາ (04) 2016 ທີ່ຫ້ອງປະຊຸມພະແນກສຶກສາທິການແລະ ກິລາແຂວງຫຼວງພະບາງ ໄດ້ມີການພົບປະແລກປ່ຽນບົດຮຽນ ລະຫວ່າງຄະນະຜູ້ບໍລິຫານ ພະແນກສຶກສາກໍ່ສ້າງແຂວງທວ່າຍຫງຽນແຫ່ງ ສສ ຫວຽດນາມແລະ ຄະນະຜູ່ບໍລິຫານ ພະແນກສຶກສາທິການແລະ ກິລາແຂວງຫຼວງພະບາງໂດຍການເຂົ້າຮ່ວມຂອງ ທ່ານ ເອິງ ລໍສະຫວັນ ຫົວໜ້າພະແນກສຶກສາທິການແລະ ກິລາແຂວງຫຼວງພະບາງ,

ທ່ານ ຮອງ ສາດສະດາຈານ ດຣ ຫງຽນ ແຂ໋ງແຢ່ງ ຮອງອະທິການບໍດີ ມະຫາວິທະຍາໄລ ເສດຖະສາດ ແລະ ບໍລິຫານທຸລະກິດ, ມີຜູ້ແທນຈາກແຂວງທວ່າຍຫງຽນ ສສ ຫວຽດນາມແລະ ບັນດາຫົວໜ້າຂະແໜງການຂອງພະແນກສຶກສາທິການແລະ ກິລາແຂວງເຂົ້າຮ່ວມ​.

ໂອການນີ້ ທ່ານ ດຣ ວົງເພັດ ອຸດົມລິດ ຫົວໜ້າຫ້ອງການພະແນກສຶກສາທິການແລະ ກິລາແຂວງຫຼວງພະບາງໄດ້ກ່າວສະແດງ ຄວາມຍິນດີຕ້ອນຮັບ ຢ່າງອົບອຸ່ນຕໍ່ບັນດາແຂກ ແລະ ຜູ່ເຂົ້າຮ່ວມກອງປະຊຸມຢ່າງເປັນທາງການ, ໃນກອງປະຊຸມໄດ້ຍົກເອົາບາງບັນຫາທີ່ທາງ ພະແນກສຶກສາທິການ ແລະ ກິລາແຂວງ ຫຼວງພະບາງ ຈະສົ່ງນັກສຶກສາໄປຮຽນຕໍ່ຢູ່ ສສ ຫວຽດນາມໂດຍສະເພາະແມ່ນ ຢູ່ມະຫາວິທະຍາໄລເສດຖະສາດ ແລະ ບໍລິຫານທຸລະກິດຂອງແຂວງ ທວ່າຍຫງຽນ ແລະ ຍັງອີກບໍ່ດົນທັງສອງຝ່າຍຈະໄດ້ຕົກລົງເຫັນດີ ປະຕິບັດກ່ຽວກັບ ການພົວພັນຮ່ວມມືລະຫວ່າງ ພະແນກສຶກສາທິການ ແລະ ກິລາແຂວງຫຼວງພະບາງ ແລະ ມະຫາວິທະຍາໄລເສດຖະສາດ ແລະ ບໍລິຫານທຸລະກິດ ແຂວງທວ່າຍຫງຽນ ໃນການຈັດຕັ້ງປະຕິບັດວຽກງານໃນຕໍ່ໜ້າໃຫ້ໄດ້ຮັບຜົນດີ.

ຕອນທ້າຍຂອງກອງປະຊຸມທ່ານ ເອິງ ລໍສະຫວັນ ໄດ້ກ່າວເຖິງ ສາຍພົວພັນ ແບບພິເສດ ລະຫວ່າງຊາດ 2 ຊາດ ລາວ-ຫວຽດນາມ ອີກວ່າ: ການຮ່ວມມື ແລກປ່ຽນການສຶກສາລະຫວ່າງ 2 ແຂວງ ທ່ວາຍຫງຽນ ແລະ ແຂວງຫຼວງພະບາງ ແຕ່ປີ 2010 ເຖິງປັດຈຸບັນເຊິ່ງໃນໄລຍະ ຜ່ານມາ ແຂວງທ່ວາຍຫງຽນ ໄດ້ຊ່ວຍ ໃຫ້ທຶນການສຶກສາແກ່ນັນຮຽນແຂວງຫຼວງພະບາງ 5 ຊຸດ,ຈຳນວນ 148 ຄົນ ຍິງ 54 ຄົນ ເຂົ້າຮຽນວິຊາຊີບລະບົບຊັ້ນສູງແຕ່ລະສາຂາວິຊາ, ປັດຈຸບັນແມ່ນໄດ້ຮຽນຈົບ ແລ້ວ 1 ຊຸດ ຈໍານວນ 20 ຄົນ.

          ທ່ານ ຫງ່ຽນ ແຂ໋ງ ແຢ໋ງ ຮອງອະທິການບໍດີ ມະຫາວິທະຍາໄລ ເສດຖະສາດ ແລະ ບໍລິຫານທຸລະກິດ ໄດ້ກ່າວຂອບໃຈຕໍ່ການຕ້ອນຮັບຢ່າງ ອົບອຸ່ນ ຈາກ ພະແນກສຶກສາທິການ ແລະ ກິລາ ແຂວງຫຼວງພະບາງ ແລະ ໄດ້ກ່າວເຖິງຈຸດປະສົງທີ່ມາຢ້ຽມຍາມໃນຄັ້ງນີ້ແມ່ນ ເຮັດວຽກກ່ຽວກັບການພົວພັນການກໍ່ສ້າງ ນັກສຶກສາ ລາວກໍ່ຄືການກໍ່ສ້າງສັບພະຍາກອນມະນຸດໃຫ້ແກ່ ສປປ ລາວ ໂດຍສະເພາະແມ່ນ ແຂວງຫຼວງງພະບາງ ພ້ອມດຽວກັນນີ້ ຍັງໄດ້ກ່າວເຖິງຄວາມເປັນມາ ຂອງ ມະຫາ ວິທະຍາໄລເສດຖະສາດ ແລະ ບໍລິຫານທຸລະກິດໂດຍສັງເຂບ.