ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

390343
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
123
229
1160
387776
4694
5964
390343
Your IP: 3.228.24.192
2019-10-23 09:00

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພະ​ແນ​ກສຶກສາ​ທິການ ​ແລະ ກິລາ​ແຂວງຫຼວງພະ​ບາງ​​ໄດ້​ຈັດພິທີ​ຮັບ​ສະມາຊິກ​ພັກ​​ໃໝ່ 

vp01ໃນຕອນເຊົ້າຂອງວັນທີ 22 ມີນາ(03)ປີ2016 ທີ່ຫ້ອງປະຊຸມ ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຈັດພິທີຮັບສະມາຊິກ ພັກໃໝ່ໂດຍ ການໃຫ້ກຽດເຂົ້າຮ່ວມ ເປັນປະທານຂອງ ທ່ານ ເອິງ ລໍສະຫວັນ ກຳມະການພັກແຂວງ ເລຂາຄະນະພັກຮາກ ຖານ ຫົວໜ້າພະແນກສຶກສາທິການ ແລະ ກິລາແຂວງ,

ທ່ານ ຊາຍສະຫວັນ ຈັນມານິດ ຄະນະພັກ ຮາກຖານ, ເລຂາໜ່ວຍພັກພະແນກສຶກສາທິການ ແລະ ກິລາແຂວງ, ທ່ານ ຫຸມພັນ ພົມມະຈິດ ຄະນະພັກຮາກຖານ ຄະນະພະແນກສຶກສາທິການ ແລະ ກິລາແຂວງຫຼວງພະບາງ, ໃນນັ້ນຍັງໄດ້ມີ ຄະນະໜ່ວຍພັກພະແນກສຶກສາທິການ ແລະ ກິລາ, ມີບັນດາສະຫາຍເລຂາໜ່ວຍພັກອ້ອມຂ້າງ, ສະມາຊິກພັກສົມບູນ ແລະ ສຳຮອງຂອງພະແນກສຶກສາທິການ ແລະ ກິລາແຂວງຫຼວງພະບາງ ຈຳນວນທັງໝົດ 84 ສະຫາຍ, ຍິງ 32 ສະຫາຍເພື່ອເຮັດໃຫ້ໜ່ວຍພັກ ມີຄວາມເຕີບໃຫ່ຍ ແລະ ຂະຫຍາຍຕົວ ຮັກສາໄດ້ໜ່ວຍພັກແຂງ ຮູ້ນຳພາຮອບດ້ານ, ຈັດຕັ້ງປະຕິບັດແນວທາງນະໂຍບາຍຂອງ ພັກ-ລັດ ໃຫ້ສຳເລັດຜົນນັ້ນ ໜ່ວຍພັກພະແນກສຶກສາທິການ ແລະ ກິລາ ແຂວງຫຼວງພະບາງ ຈຶ່ງໄດ້ຈັດພິທີຮັບເອົາສະມາຊິກພັກໃໝ່.

        ໂອກາດດຽວກັນນີ້ຕາງໜ້າສະມາຊິກພັກສົມບູນ 3 ສະຫາຍໄດ້ໃຫ້ກຽດ ຂຶ້ນມາຢັ້ງຢືນຮັບຮອງເອົາສະມາຊິກ ພັກສຳຮອງ ກ້າວຜູ້ກ້າວໜ້າ ຂຶ້ນເປັນສົມບູນ ແລະ ຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ, ທ່ານ ສົມລິດ ຈັນທະມາລີ ຂຶ້ນຜ່ານໃບອະນຸມັດຕົກລົງ ຂອງເລຂາພັກແຂວງ ແລະໃຫ້ກຽດຂຶ້ນມອບໃບອານຸມັດ ໂດຍ ທ່ານ ຊາຍສະຫວັນ ຈັນມານິດ ເລຂາໜ່ວຍພັກພະແນກສຶກສາທິການ ແລະ ກິລາແຂວງ.

        ໃນຕອນທ້າຍ ຂອງກອງປະຊຸມ ທ່ານ ເອິງ ລໍສະຫວັນ ກຳມະການພັກແຂວງ ເລຂາຄະນະພັກຮາກຖານ ຫົວໜ້າພະ ແນກສຶກສາທິການ ແລະ ກິລາແຂວງ ໃຫ້ກຽດຂຶ້ນໂອ້ລົມ, ຍ້ອງຍໍຊົມເຊີຍຕໍ່ຜົນງານ ຂອງໜ່ວຍພັກທີ່ຍາດມາໄດ້ໃນໄລຍະຜ່ານມາ, ສະມາຊິກພັກ ໄດ້ມີຄວາມຕື່ນຕົວ, ຫ້າວຫັນເອົາໃຈໃສ່ປະຕິບັດລະບຽບວິໄນ ແລະ ເຮັດຫຼ້ອນໜ້າທີ່ຕາມການມອບໝາຍເຊິ່ງສະແດງອອກໃຫ້ເຫັນ ໃນການຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກສົມບູນ, ພ້ອມດຽວກັນ ນັ້ນທ່ານຍັງໄດ້ຍົກເອົາບາງເນື້ອໃນຈິດໃຈຂອງກົດລະບຽບພັກມາເຜີຍແຜ່ແນະແນວໃຫ້ກອງປະຊຸມ ໄດ້ເຂົ້າໃຈ ແລະ ຮັບຮູ້ຕໍ່ລະບຽບວິໄນ ຂອງພັກປະຊາຊົນປະຕິວັດລາວໃຫ້ຫຼາຍຂຶ້ນກວ່າເກົ່າ, ນອກນັ້ນທ່ານຍັງໄດ້ຮຽກຮ້ອງມະຫາຊົນຜູ້ກ້າວໜ້າ, ໃຫ້ເອົາໃຈໃສ່ບຸກບືນປະຕິບັດ ຕໍ່ກົດລະບຽບ, ເຮັດຫຼ້ອນໜ້າທີ່ຕາມການມອບໝາຍຂອງຂັ້ນເທິງ, ຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ມີຄວາມຮູ້ຄວາມສາມາດ ໃນທຸກໆ ດ້ານຕົ້ນຕໍແມ່ນ ດ້ານແນວຄິດຈິດໃຈ, ລະດັບການສຶກສາ, ເຕັກນິກວິຊາສະເພາະ ເພື່ອປະກອບເຂົ້າໃນການສ້າງສາ ພັດທະນາປະເທດຊາດ ແລະ ສ້າງຄວາມເຂັ້ມແຂງ ໃຫ້ໜ່ວຍພັກມີ ຄວາມປອດໃສທັງເປັນແບບຢ່າງນຳໜ້າທີ່ດີໃຫ້ແກ່ມະຫາຊົນ.

vp02