ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

382572
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
50
165
1223
379685
2887
11592
382572
Your IP: 34.204.176.189
2019-09-15 05:40

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ມອບ-ຮັບອາຄານຫໍພັກນັກຮຽນຍິງຫຼັງໃໝ່ໂຮງຮຽນ ມຕ ຊຽງມວກ 

xm2ໃນຕອນເຊົ້າຂອງວັນທີ 11 ມີນາ(3) 2016 ທີ່ໂຮງຮຽນ ມັດທະຍົມຕອນຕົ້ນຊຽງມວກ ໄດ້ມີພິທີມອບ-ຮັບ ອາຄານ-ຫໍພັກນັກຮຽນຍິງ. ໂດຍການເຂົ້າຮ່ວມຂອງ ທ່ານ ທອງວັນ ສີສຸພັນ ຫົວໜ້າຫ້ອງການສຶກສາທິການ

ແລະ ກິລາເມືອງຫຼວງພະບາງ, ມີທ່ານ ຈຸ່ນ ມະໄລສິນ ຜູ້ອຳນວຍການໂຮງຮຽນ ມັດທະຍົມຕອນຕົ້ນ ຊຽງມວກ, ນາຍບ້ານ 9 ບ້ານ, ສະມາຄົມພໍ່-ແມ່ ນັກຮຽນ, ຄູ-ອາຈານ, ນ້ອງໆນັກຮຽນພາຍໃນ ໂຮງຮຽນ ເຂົ້າຮ່ວມຈຳນວນ 48 ຄົນ, ຍິງ 23 ຄົນ.ໃນພິທີ ທ່ານ ຈຸ່ນ ມະໄລສິນ ຜູ້ອຳນວຍການ ໂຮງຮຽນມັດທະຍົມຕົ້ນຊຽງມວກ ຕາງໜ້າຂື້ນຜ່ານບົດສະຫຼຸບໃນການກໍ່ສ້າງອາຄານຫຼັງດັ່ງກ່າວ,

ການກໍ່ສ້າງອາຄານຫໍພັກນັກຮຽນ (ຍິງ) ຫຼັງໃໝ່ນີ້ແມ່ນໄດ້ຮັບທຶນການຊ່ວຍເຫຼືອ ຈາກອົງການສຶກສາຊຸມຊົນ ປະເທດອາເມລິກາ ເຊິ່ງເປັນອາຄານຊັ້ນດຽວ ກໍ່ຝາດິນຈີ່, ມຸງດ້ວຍກະເບື້ອງ ມີຂະໜາດ ຍາວ 23 ແມັດ, ກ້ວາງ 9 ແມັດ ລວມມູນຄ່າໃນການກໍ່ສ້າງທັງໝົດ 31.800 ໂດຣາສະຫະລັດ ແລະ ໃຊ້ເວລາກໍ່ສ້າງ 6 ອາທິດ ຈຶ່ງຈະສຳເລັດ.

        ໂອກາດດຽວກັນນີ້ ທ່ານຈຸ່ນ ມະໄລສິນ ຜູ້ອຳນວຍການໂຮງຮຽນມັດທະຍົມຕົ້ນຊຽງມວກ ຕາງໜ້າອົງການສຶກສາຊຸມຊົນ ປະເທດອາເມລິກາ ຂຶ້ນກ່າວມອບອາຄານຫຼັງໃໝ່ນີ້ ແລະ ໃຫ້ກຽດຂື້ນຮັບໂດຍ ທ່ານທອງວັນ ສີສຸພັນ ຫົວໜ້າຫ້ອງການສຶກສາທິການ ແລະ ກິລາເມືອງຫຼວງພະບາງ. ໃນຕອນທ້າຍຂອງພິທີ ທ່ານ ທອງວັນ ສີສຸພັນ ຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ໃຫ້ກຽດຂຶ້ນກ່າວຄຳຄອບໃຈ ອວຍໄຊໃຫ້ພອນແດ່ອົງການສຶກສາຊຸມຊົນປະເທດອາເມລິກາ ພ້ອມທັງໂອ້ລົມ, ແນະນຳໃຫ້ພໍ່ແມ່ປະຊາຊົນ, ຄູ-ອາຈານ, ນ້ອງໆນັກຮຽນ ຈົ່ງພ້ອມກັນປົກປັກຮັກສາຄວາມສະອາດ ແລະ ໃຊ້ໄດ້ໃຫ້ຍາວນານ.