ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

399470
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
102
271
576
396334
4661
9160
399470
Your IP: 100.25.43.188
2019-11-12 06:38

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ປະກາດຈົບຊັ້ນມັດທະຍົມຕອນຕົ້ນບຳລຸງທົ່ວເມືອງປາກອູ 

po04ໃນຕອນເຊົ້າຂອງວັນທີ່ 4 ມີນາ (3) ປີ 2016 ຜ່ານມາ ທີ່ສະໂມສອນເມືອງປາກອູ ຈັດພິທີປະກາດຈົບຊັ້ນ ມັດທະຍົມຕອນຕົ້ນບຳລຸງ ທົ່ວເມືອງປາກອູ ພາຍໃຕ້ການ ເປັນປະທານຂອງ ທ່ານ ລີ່ຕູ່ ບົວປາວ ລັດຖະມົນຕີຊ່ວຍ ວ່າການກະຊວງສຶກສາທິການ ແລະ ກິລາ,

ທ່ານ ດຣ ຄຳໝັ້ນ ຈັນທະລັງສີ ຮອງເຈົ້າແຂວງຫຼວງພະບາງ, ທ່ານ ດຣ ຄຳຄ່ອງ ພົມປັນຍາ ເຈົ້າເມືອງ ເມືອງປາກອູ, ໃນນັ້ນ ມີທ່ານຫົວໜ້າ ຮອງພະແນກການຕ່າງໆ, ຫົວໜ້າຫ້ອງການສຶກສາທິການ ແລະ ກິລາເມືອງ 12 ເມືອງ, ມີຄູ-ອາຈານ, ນັກຮຽນ-ນັກສຶກສາ, ພະນັກງານທະຫານ, ຕຳຫຼວດ ຕະຫຼອດຮອດພໍ່ແມ່ ປະຊາຊົນທົ່ວເມືອງເຂົ້າຮ່ວມ.

        ການປະກາດຈົບຊັ້ນ ມັດທະຍົມສຶກສາຕອນຕົ້ນບຳລຸງທົ່ວເມືອງ ໃນຄັ້ງນີ້ເປັນໄຊຊະນະອັນໃຫ່ຍຫຼວງ ແລະ ມີຄຸນຄ່າສູງທີ່ສຸດ ເປັນການຢັ້ງຢືນເຖິງສະຖິຕິ ການປະກາດຈົບຊັ້ນມັດທະຍົມຕົ້ນບຳລຸງ ແລະ ເປັນການຢັ້ງຢືນ ເຖິງລະດັບການຮຽນຮູ້ຂອງພໍ່ແມ່ປະຊາຊົນ ບັນດາເຜົ່າຂອງຊາວເມືອງປາກອູ ແລ້ວຍັງເປັນການຊ່ວຍແກ້ ໄຂຄວາມທຸກຍາກຂອງປະຊາຊົນ ຊາວເມືອງປາກອູຕື່ມອີກ ແລະ ເປັນການປະກາດ ເມືອງທີ 5 ຂອງການປະກາດຈົບຊັ້ນມັດທະຍົມຕອນຕົ້ນບຳລຸງ ທົ່ວແຂວງຫຼວງພະບາງ ແລະ ເປັນເມືອງທີ່ 64 ຂອງທົ່ວປະເທດ.

        ໃນທ່າມກາງພິທີອັນມີກຽດສະຫງ່າ ທ່ານ ບົວຜັນ ສີສະຫວັດ ຫົວໜ້າຫ້ອງການສຶກສາທິການ ແລະ ກິລາເມືອງປາກອູ ໄດ້ໃຫ້ກຽດຂຶ້ນ ຜ່ານບົດລາຍງານ ການຈັດຕັ້ງການຮຽນ-ການສອນ ແລະ ແຜນການບຳລຸງຍົກລະດັບ ການສຶກສາໃຫ້ພໍ່ແມ່ປະຊາຊົນ.

        ໂອກາດດຽວກັນນີ້ ທ່ານ ລີ່ຕູ່ ບົວປາວ ລັດຖະມົນຕີຊ່ວຍ ວ່າການກະຊວງສຶກສາທິການ ແລະ ກິລາ ໃຫ້ກຽດມອບໃບຢັ້ງຢືນ ປະກາດຈົບຊັ້ນມັດທະຍົມສຶກສາທົ່ວເມືອງປາກອູ ແລະ ໃຫ້ກຽດຮັບໂດຍ ທ່ານ ດຣ ຄຳຄ່ອງ ພົມປັນຍາ ເຈົ້າເມືອງ ເມືອງປາກອູ ແລະ ເພື່ອເປັນການຊົມເຊີຍຜົນສຳເລັດ ອັນຍິ່ງໃຫ່ຍໃນຄັ້ງນີ້ ທ່ານ ດຣ ຄຳຄ່ອງ ພົມປັນຍາ ເຈົ້າເມືອງປາກອູ ກໍ່ໄດ້ໃຫ້ກຽດມອບຂອງຂັວນທີ່ລະນຶກ ໃຫ້ ການນຳສູນກາງ, ແຂວງ.

        ໃນຕອນທ້າຍຂອງກອງປະຊຸມ ທ່ານ ລີ່ຕູ່ ບົວປາວ ລັດຖະມົນຕີຊ່ວຍ ວ່າການກະຊວງສຶກສາທິການ ແລະ ກິລາ ກໍ່ໃຫ້ກຽດໂອ້ລົມ ແລະ ກ່າວສະແດງ ຄວາມຍ້ອງຍໍຊົມເຊີຍຕໍ່ຄະນະພັກ, ອຳນາດການປົກຄອງທ້ອງຖິ່ນທຸກຂັ້ນ, ພະນັກງານ ທະຫານ, ຕຳຫຼວດ, ຜູ້ບໍລິຫານການສຶກສາ ແລະ ກິລາຂັ້ນຕ່າງໆ, ຄູອາຈານ, ນັກຮຽນ-ນັກສຶກສາ ຕະຫຼອດຮອດພໍ່ແມ່ປະຊາຊົນ ບັນດາເຜົ່າທົ່ວເມືອງປາກອູ ທີ່ໄດ້ພ້ອມກັນເຂົ້າຮ່ວມ ແລະ ປະກອບສ່ວນທາງດ້ານສະຕິປັນຍາ, ເຫື່ອແຮງ, ຊັບສີນທຶນຮອນ ເຂົ້າໃນຂະບວນການບຳລຸງ ຍົກລະດັບການສຶກສາ ເພື່ອເຮັດໃຫ້ປະຊາຊົນ ບັນດາເຜົ່າຊາວເມືອງປາກອູ ສາມາດປະກາດຈົບຊັ້ນມັດທະຍົມຕັ້ນບຳລຸງ. ທັ້ງນີ້ ທ່ານຍັງໄດ້ເນັ້ນໜັກ ໃຫ້ຜູ້ບໍລິຫານການສຶກສາທຸກຂັ້ນ ຕະຫຼອດຮອດພໍ່ແມ່ ປະຊາຊົນບັນດາເຜົ່າພາຍໃນເມືອງປາກອູ ຈົ່ງສືບຕໍ່ບຳລຸງຍົກລະດັບການສຶກສາຂອງຕົນໃຫ້ສູງຂຶ້ນເລື່ອຍໆ, ນອກນຍັງໄດ້ຮຽກຮ້ອງ ມາຍັງຜູ້ບໍລິຫານການສຶກສາທຸກຂັ້ນ,ພະນັກງານ,ຄູ- ອາຈານ, ນັກຮຽນ-ນັກສຶກສາ ຈົ່ງສືບຕໍ່ເຮັດສຳເລັດ ໜ້າທີ່ຄວາມຮັບຜິດຊອບຂອງຕົນ ເພື່ອເຮັດໃຫການສຶກສາກ້າວໄປສູ່ຄຸນະພາບດີຂື້້ນ ພ້ອມກັນສຶກສາອົບຮົມຊຸກຍູ້-ສົ່ງເສີມ ໃຫ້ລູກຫຼານຂອງຕົນ ນັບທັງຕົນເອງໄດ້ເຂົ້າໂຮງຮຽນ ແລະ ຮຽນໃຫ້ສູງຂຶ້ນ, ມີລະດັບການສຶກສາທີ່ແນ່ນອນ, ມີລະດັບວິຊາສະເພາະ, ມີເຕັກນິກວິຊາການ ຄວາມສາມາດເຮັດວຽກ ຢ່າງເປັນມືອາຊີບ ປະກອບເຂົ້າໃນການພັດທະນາປະເທດຊາດ ໃຫ້ຈະເລີນຮຸ່ງເຮືອງຍິ່ງໆຂຶ້ນ.

po01po02

po03po05