ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

493277
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
200
288
2819
484093
889
14434
493277
Your IP: 3.236.97.49
2020-07-03 09:31

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

102557343 3000115596725001 3151783150261568527 o
ສກຂ ຫຼວງພະບາງ ຖອດຖອນບົດຮຽນວຽກງານສອບເສັງ ມ.
4, ມ.7 ແລະ ແນະນຳຮ່າງທະບຽນໃໝ່ປະຈຳປີ 2019-2020
ພະແນກສຶກສາທິການ ແລະ ກິລາແຂວງຫຼວງພະບາງ(ສກຂ)ໄດ້ຈັດກອງປະຊຸມຖອດຖອນບົດຮຽນກ່ຽວກັບການສອບເສັງຊັ້ນມັດທະຍົມ ມ.
4 ແລະ ມ.7 ພ້ອມທັງແນະນຳຮ່າງລົງທະບຽນໃໝ່ ປະຈຳສົກປີ 2019-2020 ເມື່ອວັນທີ 16 ມິຖຸນາ 2020 ຜ່ານມາ ທີ່ສູນໄອຊີທີ ພະແນກດັ່ງກ່າວ ໂດຍການເປັນປະທານຂອງທ່ານ ຊາຍສະຫວັນ ຈັນມານິດ ຮັກສາການພະແນກສຶກສາທິການ ແລະ ກິລາແຂວງ, ມີທ່ານຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ 11 ເມືອງ ແລະ 1 ນະຄອນຫຼວງພະບາງ, ຫົວໜ້າ-ຮອງຫົວໜ້າຂະແໜງສາມັນສຶກສາ ພ້ອມດ້ວຍພະນັກງານວິຊາການກ່ຽວຂ້ອງເຂົ້າຮ່ວມ.new

ໃນກອງປະຊຸມ
, ທ່ານ ນາງ ປອ ບົວລອຍ ອິດທິພອນ ຫົວໜ້າຂະໜ້າສາມັນສຶກສາໄດ້ລາຍງານເຖິງສະພາບການຈັດຕັ້ງປະຕິບັດວຽກງານຮ່າງທະບຽນ ມ.4, ມ.7 ແລະ ສະພາບບັນຫາທົ່ວໄປຂອງການສອບເສັງມ.4,ມ.7ໃນທົ່ວແຂວງປະຈຳສົກຮຽນຜ່ານມາ ພ້ອມທັງຖອດຖອນບົດຮຽນແຕ່ລະເມືອງໄດ້ຂື້ນຜ່ານລາຍງານການກະກຽມຄວາມພ້ອມໃນການສອບເສັງຈົບຊັ້ນ ມ.4 ແລະ ມ.7 ປະຈຳສົກຮຽນ 2019-2020 ພ້ອມທັງຖອດຖອນບົດຮຽນ. ຈາກນັ້ນກອງປະຊຸມໄດ້ແນະນຳກ່ຽວກັບຮ່າງທະບຽນໃໝ່, ການປ້ອນຂໍ້ມູນ, ການວິເຄາະຂໍ້ມູນ ແລະ ລະບົບການລາຍງານຕ່າງໆ ພ້ອມທັງແນະນຳການນຳໃຊ້ອຸປະກອນ, ການນຳໃຊ້ເຄື່ອງມື ແລະ ວິທີການຈັດຕັ້ງປະຕິບັດການສອບເສັງ ມ.4 ແລະ ມ.7. ນອກຈາກນີ້ ຜູ້ແທນກອງປະຊຸມຍັງຈະໄດ້ຖອດຖອນບົດຮຽນເຊີ່ງກັນແລະກັນພ້ອມຕີລາຄາການຈັດຕັ້ງປະຕິບັດວຽກງານດັ່ງກ່າວໃນໄລຍະຜ່ານມາ, ສືບຕໍ່ວາງແຜນການຈັດຕັ້ງປະຕິບັດໃນຕໍ່ໜ້າ.

ໂອກາດດັ່ງກ່າວ, ທ່ານ ຊາຍສະຫວັນ ຈັນມານິດ ໄດ້ຮຽກຮ້ອງມາຍັງຜູ້ແທນກອງປະຊຸມທຸກພາກສ່ວນ ໂດຍສະເພາະຂະແໜງມັດທະຍົມ,ໜ່ວຍງານສາມັນ ແຕ່ລະເມືອງຈົ່ງໄດ້ພ້ອມກັນເປັນເຈົ້າການລົງຕິດຕາມຊຸກຍູ້ ແຕ່ລະສູນ, ແຕ່ລະໂຮງຮຽນໃນການຈັດຕັ້ງປະຕິບັດການຮຽນ-ການສອນ ໃຫ້ສຳເລັດຕາມຫຼັກສູດ, ໃຫ້ແຕ່ລະພາກສ່ວນເພີ່ມຄວາມຮັບຜິດຊອບໃນການກະກຽມການສອບເສັງໃນແຕ່ລະຊັ້ນ, ແຕ່ລະຂັ້ນ. ພ້ອມກັນນັ້ນ ກໍ່ຕ້ອງໄດ້ສືບຕໍ່ວຽກງານການແນະນຳຮ່າງລົງທະບຽນນັກຮຽນສອບເສັງໃຫ້ລະອຽດ ເປັນຕົ້ນແມ່ນການຊອກຫາຂໍ້ຄົງຄ້າງ, ການວິເຄາະ-ວິໄຈ ຄະແນະນັກສອບເສັງ,ການປ້ອນຂໍ້ມູນ, ການວິເຄາະຂໍ້ມູນ, ລະບົບການລາຍງານຕ່າງໆ,ການນຳໃຊ້ອຸປະກອນ, ການນຳໃຊ້ເຄື່ອງມື ແລະ ວິທີການຈັດຕັ້ງປະຕິບັດການສອບເສັງ ມ.4 ແລະ ມ.7 ປະຈໍາສົກຮຽນນີ້ໃຫ້ມີຄຸນນະພາບດີຂື້ນເລື້ອຍໆ.ກອງປະຊຸມຈະໄດ້ດຳເນີນໄປເປັນເວລາ 2 ວັນ( 16-17 ມິຖຸນາ 2020) ຈຶ່ງຈະອັດລົງ.
102690948 3000123090057585 4546025993774253138 o102703482 3000116226724938 1076033129699242295 o104013280 3000116376724923 5906293132134509432 o