ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

493310
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
233
288
2852
484093
922
14434
493310
Your IP: 3.236.97.49
2020-07-03 10:39

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

102394624 2980058728730688 3597214811485673786 o
ຫຼວງພະບາງ ສອບເສັງບັນຈຸລັດຖະກອນຄູ ແລະ ບໍລິຫານໃໝ່ ປະຈຳປີ
2020 icon new

ພະແນກສຶກສາທິການ ແລະ ກິລາແຂວງຫຼວງພະບາງຮ່ວມກັບຂະແໜງຈັດຕັ້ງ-ພະນັກງານ ເປີດບັ້ນສອບເສັງບັນຈຸລັດຖະກອນຄູ ແລະ ບໍລິຫານໃໝ່ປະຈຳສົກປີ 2020 ເພື່ອຄັດເລືອກເອົາພະນັກງານຄູໄປສິດສອນຢູ່ໃນບ່ອນທີ່ຂາດເຂີນ ແລະ ບໍ່ພຽງພໍກັບຄວາມຕ້ອງການໃນໂຮງຮຽນແຫ່ງຕ່າງໆ ພ້ອມທັງຄັດເລືອກເອົາພະນັກງານບໍລິຫານໃໝ່ເຂົ້າບັນຈຸຕາມຕຳແໜງງານບໍລິຫານໃນສະຖາບັນຕ່າງໆ.

ພິທີເປີດບັ້ນສອບເສັງບັນຈຸລັດຖະກອນຄູ ແລະ ບໍລິຫານໃໝ່ ປະຈຳປີ 2020ໄດ້ມີຂື້ນເມື່ອວັນທີ 9 ມິຖຸນາ 2020 ຜ່ານມາ ທີ່ພະແນກດັ່ງກ່າວ, ໂດຍການເປັນປະທານຂອງທ່ານ ວົງສະຫວັນ ເທບພະຈັນ ຮອງເຈົ້າແຂວງຫຼວງພະບາງ,ທ່ານ ຊາຍສະຫວັນ ຈັນມານິດ ຮັກສາການຫົວໜ້າພະແນກສຶກສາທິການ ແລະ ກິລາແຂວງ,ເຂົ້າຮ່ວມມີ ຕາງໜ້າພະແນກພາຍແຂວງ, ຫ້ອງວ່າການປົກຄອງນະຄອນຫຼວງພະບາງ, ທ່ານຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລານະຄອນຫຼວງພະບາງ,ຫົວໜ້າ-ຮອງຫົວໜ້າຂະແໜງ, ຄະນະກຳມະການສອບເສັງ, ອະນຸກຳມະການຍາມຫ້ອງສອບເສັງ, ພະນັກງານ, ຄູອາຈານ, ວິຊາການ, ນັກສອບເສັງລັດຖະກອນຄູ ແລະ ບໍລິຫານໃໝ່ເຂົ້າຮ່ວມ.

ໃນພິທີ, ທ່ານ ຊາຍສະຫວັນ ຈັນມານິດ ຮັກສາການຫົວໜ້າພະແນກສຶກສາທິການ ແລະ ກິລາແຂວງ ໄດ້ລາຍງານໃຫ້ຮູ້ວ່າ: ການສອບເສັງບັນຈຸລັດຖະກອນຄູ ແລະ ບໍລິຫານໃໝ່ ປະຈຳປີ 2020ໃນຄັ້ງນີ້ແມ່ນອີງຕາມຄຳແນະນໍາຂອງລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 272/ສສກ, ລົງວັນທີ 20 ກຸມພາ 2020 ວ່າດ້ວຍການຮັບ ແລະ ບັນຈຸລັດຖະກອນຄູ ແລະ ບໍລິຫານໃໝ່ປະຈຳປີ 2020 ພະແນກສຶກສາທິການ ແລະ ກິລາແຂວງໄດ້ອອກຂໍ້ຕົກລົງແຕ່ງແຕ່ງຄະນະກຳມະການຂັ້ນແຂວງ ຈາກນັ້ນໄດ້ປຶກສາຫາລື ແລະ ວາງແຜນກະກຽມການສອບເສັງ ໂດຍມອບໃຫ້ຫ້ອງການສຶກສາທິການ ແລະ ກິລາເມືອງ 11 ເມືອງ ແລະ 1 ນະຄອນຫຼວງພະບາງເປັນເຈົ້າການໃນການຈັດຕັ້ງການສອບເສັງ ແລະ ແຕ່ລະເມືອງຕ້ອງຈັດລຽງບູລິມະສິດຕາມການຂາດເຂີນ ແລະ ຄວາມຕ້ອງການ ເຊິ່ງຈັດເອົາ 10 ຕົວເລກ ແລະ 4 ຕົວເລກຕາມລຳດັບ. ປັດຈຸບັນຄູອາສາສະໝັກບໍລິຫານ ແລະ ຄູສອນແຕ່ປີ 2012-2017 ມີຈຳນວນ 1.154 ຄົນ,ຍິງ 718 ຄົນ, ໃນນັ້ນມີຄູອາສາສະໝັກຫຼາາຍປີ( 8 ປີ )ມີ 8 ຄົນ,ຍິງ 5 ຄົນ, 7 ປີມີ 86 ຄົນ, ຍິງ 40 ຄົນ ແລະ ໄດ້ຈັດຕັ້ງສອບເສັງ 12 ວິຊາຄື: ຄູອະນຸບານມີນັກສອບເສັງຈໍານວນ 245 ຄົນ,ຄູປະຖົມສຶກສາມີ 274 ຄົນ,ຄູພາສາລາວ-ວັນນະຄະດີມີ 52 ຄົນ,ຄູວິທະຍາສາດສັງຄົມມີ 13 ຄົນ, ຄູພາສາອັງກິດ 9ຄົນ,ຄູພາສາຝຣັ່ງ 1 ຄົນ,ຄູພະລະສຶກສາ 7 ຄົນ,ຄູຄະນິດສາດ 43 ຄົນ,ຄູວິທະຍາສາດ-ທຳມະຊາດ 19 ຄົນ, ຄູສອນສ້ອມແປງລົດຍົນກະສິກຳ 1 ຄົນ,ຄູສອນໄຟຟ້າເລັກໂຕນິກ 1 ຄົນ ແລະ ບໍລິຫານຫ້ອງການມີນັກສອບເສັງ 5 ຄົນ, ແບ່ງອອກເປັນ 13 ສູນສອບເສັງ ມີນັກສອບເສັງທັງໝົດ 672 ຄົນ,ຍິງ 398 ຄົນ. ສອບເສັງຄັດເລືອກເອົາພຽງແຕ່ 48 ຕົວເລກ ໃນນັ້ນບໍລິຫານ 1 ຕົວເລກທົ່ວແຂວງຕາມການແບ່ງປັນຂອງກະຊວງສຶກສາທິການ ແລະ ກິລາ, ແບ່ງການສອບເສັງອອກເປັນ 3 ພາກຄື: ພາກຂຽນ, ພາກທິດສະດີການສອນ ແລະ ພາກສຳພາດ, ໃນນີ້ ສະເພາະສູນສອບເສັງນະຄອນຫຼວງພະບາງມີນັກສອບເສັງທັງໝົດ 27 ຄົນ, ຄູອະນຸບານ 14 ຄົນ, ຄູປະຖົມສຶກສາ 9 ຄົນ ແລະ ຄູພາສາອັງກິດ 4 ຄົນ.

ໂອກາດດັ່ງກ່າວ, ທ່ານ ວົງສະຫວັນ ເທບພະຈັນ ໄດ້ໃຫ້ກຽດມີຄຳເຫັນໂອ້ລົມ ເຊີ່ງທ່ານໄດ້ຮຽກຮ້ອງມາຍັງຄະນະຮັບຜິດຊອບໃນແຕ່ລະສູນ, ແຕ່ລະເມືອງ ໂດຍສະເພາະອະນຸກຳມະການຕ່າງໆ ຈົ່ງພ້ອມກັນເອົາໃຈໃສ່ປະຕິບັດກົດລະບຽບຂອງການສອບເສັງໃຫ້ເຂັ້ມງວດ,ມີຄວາມໂປ່ງໃສ່ດ ຍຸຕິທຳ, ມີຄວາມຮັບຜິດຊອບມີຈັນຍາບັນ ພ້ອມກັນຕ້ານ ແລະ ສະກັດກັ້ນທຸກປະກົດການຫຍໍ້ທໍ້, ສ່ວນນັກສອບເສັງກໍ່ຕ້ອງໄດ້ພ້ອມກັນອົດທົນເອົາໃຈໃສ່ ປະຕິບັດລະບຽບການສອບເສັງ, ມີຄວາມພະຍາຍາມ, ອຸ່ນອ່ຽນທຸ່ນທ່ຽງ ສຸມທຸກສະຕິປັນຍາເຂົ້າໃນການແກ້ບົດສອບເສັງຂອງຕົນໃຫ້ຖືກຕ້ອງ ແລະ ສຳເລັດຕາມກຳນົດເວລາທີ່ວາງໄວ້. ຈາກນັ້ນ, ທ່ານພ້ອມດ້ວຍຄະນະປະທານໄດ້ພ້ອມກັນຕັດຊອງຫົວບົດສອບເສັງໂດຍຊ່ອງໜ້າຄະນະກຳມະການ, ອະນຸກຳມະການ ເຝົ້າຫ້ອງ ແລະ ນັກສອບເສັງ.
103472318 2980059485397279 5215800018501710506 o103097035 2980059982063896 7288452628876785649 o101798024 2980059315397296 3300916390887882118 o101065202 2980060752063819 4612660177065812795 o