ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

390331
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
111
229
1148
387776
4682
5964
390331
Your IP: 3.228.24.192
2019-10-23 08:41

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງຫຼວງພະບາງໄດ້ຈັດພິທີເປີດການສອບເສັງຈົບຊັ້ນມດທະຍົມຕອນປາຍ(ມ7) ສົກຮຽນ2018-2019 new1

ເມື່ອວັນທີ 25 ມິຖຸນາ ຜ່ານມາ ທີ່ ສະໂມສອນພະແນກສຶກສາທິການ ແລະ ກິລາແຂວງຫຼວງພະບາງໄດ້ຈັດພິທີເປີດການສອບເສັງຈົບຊັ້ນມດທະຍົມຕອນປາຍ(ມ7) ສົກຮຽນ2018-2019 ໂດຍການໃຫ້ກຽດເຂົ້າຮ່ວມຂອງທ່ານ ວົງສະຫວັນ ເທບພະຈັນ ຮອງເຈົ້າແຂວງຫຼວງພະບາງ,ທ່ານ ນາງ ແສງເພັດ ອິນທະແສນ ຮອງຫົວໜ້າພະແນກບໍລິຫານກົມສາມັນສຶກສາກະຊວງສຶກສາທິການ ແລະ ກິລາ,ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ,ມີຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ,ນະຄອນຫຼວງພະບາງ,ຄະນະກຳມະການ,ພະນັກງານ,ຄູອາຈານ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.


ໂອກາດດັ່ງກ່າວ, ທ່ານ ເອິງ ລໍສະຫວັນກ່າວລາຍງານໃຫ້ຮູ້ວ່າ: ສຳລັບ ສົກຮຽນ 2018-2019 ນີ້ ທົ່ວແຂວງຫຼວງພະບາງ ມີໂຮງຮຽນທັງໝົດ 111 ແຫ່ງ ໃນນີ້: ມັດທະຍົມຕອນຕົ້ນ 64 ແຫ່ງ, ມັດທະຍົມສົມບູນ 46 ແຫ່ງ ແລະມັດທະຍົມປາຍ 1 ແຫ່ງ. ມີການຈັດການຮຽນ-ການສອນຮອດຂັ້ນ ມ.7 ຈຳນວນນ 47 ແຫ່ງ ມີນັກສອບເສັງທັງໝົດ 4.428 ນ້ອງ, ຍິງ 1.921 ນ້ອງ ແບ່ງອອກເປັນ 39 ສູນສອບເສັງ ແລະ 225 ຫ້ອງສອບເສັງ, ພິເສດ ມີນັກຮຽນຫ້ອງ 2 ພາສາ ລາວ-ຝຣັ່ງ ຈາກ ໂຮງຮຽນ ມັດທະຍົມສົມບູນປະຊາທິປະໄຕ ຈຳນວນ 58 ນ້ອງ, ຍິງ 41 ນ້ອງ,ເຊີ່ງໃນສົກຮຽນນີ້ກະຊວງສຶກສາທິການ ແລະ ກິລາ ໄດ້ກຳນົດຈັດຕັ້ງການສອບເສັງໃນ 2 ວັນ ຄື: ວັນທີ່ 25-26/6/2019 ແລະ ສອບເສັງໃນ 4 ວິຊາ ຄື: ວິຊາ ພາສາລລາວ-ວັນນະຄະດີ,ວິຊາເຄມີສາດ,ວິຊາຄະນິດສາດ ແລະ ວິຊາປະວັດສາດສ່ວນການກະກຽມທາງຄະນະຮັບຜິດຊອບຂອງໄດ້ສົມທົບກັບພາກສ່ວນທີ່ກ່ຽວຂ້ອງ, ມີການປະສານງານ ຂໍທິດຊີ້ນຳຈາກຂັ້ນເທິງ ເປັນແຕ່ລະໄລຍະ, ໄດ້ມີການແຕ່ງຕັ້ງ ແລະ ແບ່ງຄວາມຮັບຜິດຊອບໃຫ້ແຕ່ລະອະນຸກຳມະການ ດ້ານຕ່າງໆ ເຊິ່ງມະທັງໝົດ 624 ທ່ານ ລາຍລະອຽດ,ຄະນະຮັບຜິດຊອບຊີ້ນຳ ແລະ ຕັດສິນຜົນການສອບເສັງ 24 ທ່ານ,ຄະນະກຳມະການຕິດຕາມແຕ່ລະສູນສອບເສັງ 9 ທ່ານ,ຄະນະກຳມະການເຂົ້າສູນອັດຫົວບົດສອບເສັງ 14 ທ່ານ, ອະນຸກຳມະການຊີ້ນຳແຕ່ລະສູນສອບເສັງ 43 ທ່ານ,ອະນຸກຳມະການເຝົ້າຫ້ອງສອບເສັງ 450 ທ່ານ,ອະນຸກຳມະການເຂົ້າລະຫັດຕັດຫົວບົດ 6 ທ່ານ,ອະນຸກຳມະການກວດບົດສອບເສັງ 48 ທ່ານ,ອະນຸກຳມະການເຂົ້າຄະແນນ 12 ທ່ານ.
ໃນພິທີ, ທ່ານວົງສະຫວັນ ເທບພະຈັນໄດ້ໃຫ້ກຽດມີຄຳເຫັນໂອ້ລົມ,ກ່າວເປີດພິທີ ແລະ ຕັດຊອງຫົວບົດສອບເສັງຢ່າງເປັນທາງການ.
ໂດຍ: ແຈັກກີ້ ສກຂຫຼວງພະບາງ.65148601 2256624894407412 4991414135880155136 n65207728 2256621794407722 218258877794222080 n65370427 2256621901074378 6330992337895817216 n65394535 2256622391074329 2485742078093426688 n65565444 2256623027740932 62361988835049472 n65784352 2256629384406963 2432222228624965632 n

65138948 2256622787740956 7220102090595500032 n