ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

342399
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
659
272
6514
335623
6776
0
342399
Your IP: 54.226.4.91
2019-05-19 07:17

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກິດຈະກຳ ຖາມ-ຕອບ ວິທະຍາສາດ ຄອມພິວເຕີ ແລະ ພາສາອັງກິດ  ສົກປີ 2018-2019 ທີ່ສູນ ໄອຊີທີ ແຂວງຫຼວງພະບາງ new1        ໃນຕອນເຊົ້າ ຂອງວັນທີ່21ກຸມພາ ທີ່ສູນICT ພະແນກສຶກສາທິການ ແລະ ກິລາແຂວງ ຫຼວງພະບາງ ໄດ້ມີພິທີການຈັດກິດຈະກຳ ຖາມ-ຕອບ ວິທະຍາສາດ ຄອມພິວເຕີ ແລະ ພາສາອັງກິດ ສົກປີ2018-2019ໂດຍພາຍໃຕ້ການເປັນປະທານຂອງ ທ່ານ ສົມລິດ ຈັນທະມາລີ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ,ທ່ານ ນາງ ບຸນທະວີ ຈັນທະວົງສາ ຫົວໜ້າສູນICTພະແນກສຶກສາທິການ ແລະ ກິລາແຂວງ, ຄະນະອໍານວຍການໂຮງຮຽນມັດທະຍົມ

ປາຍ 8 ແຫ່ງ, ມີຄະນະຮັບຜິດຊອບ, ພະນັກງານຄູ-ອາຈານ, ວິຊາການ ນ້ອງນັກຮຽນ ແລະ ນັກຖາມ-ຕອບເຂົ້າຮ່ວມ.

ການຈັດການແຂ່ງຂັນຄັ້ງນີ້ແມ່ນເພື່ອແນ່ໃສ່ໂຄສະນາເຜີຍແຜ່ ແລະ ສົ່ງເສີມນ້ຳໃຈອັນດີງາມ ການແຂ່ງຂັນເພື່ອມິດຕະພາບ ແລະ ຄວາມສາມັກຄີລະຫວ່າງບັນດານັກຮຽນ ໂດຍຜ່ານເກມການແຂ່ງຂັນຖາມ-ຕອບ ເຊິ່ງເປັນການນຳສະເໜີ ແລະ ໃຫ້ເຫັນກ່ຽວກັບຄວາມສຳຄັນ ແລະ ສົ່ງເສີມຄວາມເຂົ້າໃຈຂອງວິຊາໄອທີ ແລະ ພາສາອັງກິດ, ຜົນປະໂຫຍດອີກຕື່ມດ້ານໜຶ່ງແມ່ນເພື່ອຝຶກທັດສະໃຫ້ນັກຮຽນມີຄວາມລື້ງເຄີຍ ແລະ ຄ່ອງແຄ້ວ ໃນການຕອບຄຳຖາມ ແລະ ຕຽມຄວາມພ້ອມໃນການແຂ່ງຂັນເພື່ອກ້າວເຂົ້າສູ່ການສອບເສັງນັກຮຽນເກັ່ງລະດັບແຂວງ ແລະ ລະດັບຊາດ.

ສຳລັບນັກຮຽນທີ່ເຂົ້າຮ່ວມງານຖາມ-ຕອບຄັ້ງນີ້ມີນັກຮຽນມາຈາກໂຮງຮຽນມັດທະຍົມຕອນປາຍທັງພາກລັດ 7 ແຫ່ງ ແລະ ເອກະຊົນ 1 ແຫ່ງ, ແຕ່ລະແຫ່ງມີ 4 ຄົນ ລວມທັງໝົດ 32 ຄົນ, ຍິງ 15 ຄົນ, ມາຈາກໂຮງຮຽນມສ ສັນຕິພາບ, ມສ ປ່ອງຄຳ, ມສ ປະຊາທິປະໄຕ,ມສ ເດັກກ່ຳພ້າ,ມສ SOS, ມສ ສົງ, ມສ ກຽດຕິສັກ ແລະ ມປ ພັນຫລວງ.

          ກິດຈະກຳ ຖາມ-ຕອບ ວິທະຍາສາດ ຄອມພິວເຕີ ແລະ ພາສາອັງກິດ ຂອງສູນໄອຊີທີ ພະແນກສຶກສາທິການ ແລະ ກິລາແຂວງ ໄດ້ຈັດຂື້ນເປັນຄັ້ງທີ່ 3 ໂດຍຄັ້ງທີ່ 1 ໃນສົກຮຽນທີ່ 2016-2017 ທິມທີ່ຮັບລາງວັນຊະນະເລີດອັນດັບ 1 ໄດ້ແກ່ໂຮງຮຽນ ມສ ປະຊາທິປະໄຕ, ຄັ້ງທີ່ 2 ໃນສົກຮຽນທີ່ 2017-2018 ທິມທີ່ຮັບລາງວັນຊະນະເລີດອັນດັບ 1 ໄດ້ແກ່ ຫ້ອງຮຽນ ອີເລັນນິ່ງ ແລະ ຄັ້ງນີ້ເປັນຄັ້ງທີ່ 3 ໃນສົກຮຽນທີ່ 2018-2019 ທິມທີ່ຮັບລາງວັນຊະນະເລີດອັນດັບ 1 ໄດ້ແກ່ໂຮງຮຽນ ມສ ປ່ອງຄຳ, ອັນດັບທີ່ 2 ມສ ກຽດຕິສັກ, ອັນດັບທີ່ 3 ມສ ປະຊາທິປະໄຕ

            ໃນງານຄັ້ງນີ້ ເຮົາຍັງມີການແຂ່ງຂັນປຸງແຕ່ງອາຫານ ແລະ ຕຳໝາກຮຸ່ງ ໂດຍມີທິມເຂົ້າຮ່ວມ 6 ທິມຄື: ຫ້ອງ 5/15, 5/16, 6/14, 6/15, 7/16, 7/17 ອາຫານທີ່ນຳມາເເຂ່ງຂັນແມ່ນອາຫານພື້ນບ້ານຫລວງພະບາງ ເຊັ່ນ: ມົກໄຄ, ເອາະຫລາມ, ເອາະປາເເດກ, ແກງໜໍ່ໄມ້, ຍຳສະລັດ ແລະ ສ້າໝູ. ແລະ ການແຂ່ງຕຳໝາກຮຸ່ງທີ່ໃຊ້ເວລາພາຍໃນ 5 ນາທີ ໃຫ້ອອກມາສຳເລັດ ແຊບ, ສີສັນດີ, ການຕົບແຕ່ງ ແລະ ຄວາມສາມັກຄີພາຍໃນທິມ. ການແຂ່ງຂັນທຳອາຫານທິມທີ່ຊະນະເລີດໄດ້ແກ່ ຍຳສະລັດ ຂອງຫ້ອງ 7/16, ອັນດັບທີ່ 2 ເອາະປາເເດກ ຫ້ອງ 7/17, ອັນດັບທີ່ 3 ແກງໜໍ່ໄມ້ ຫ້ອງ 5/16, ອັນດັບທີ່ 4 ເອາະຫລາມ ຫ້ອງ 6/14, ອັນດັບທີ່ 5 ສ້າໝູ ຫ້ອງ 6/15 ແລະ ອັນດັບທີ່ 6 ມົກໄຄ ຫ້ອງ 5/15. ການແຂ່ງຂັນຕຳໝາກຮຸ່ງອັນດັບທີ່ 1 ໄດ້ແກ່ ຫ້ອງ 7/17, ທີ່ 2 ຫ້ອງ 7/16 ແລະ ທີ່ 3 ຫ້ອງ 6/14.

 IMG 9729            
 IMG 9651            
 IMG 9678            
 IMG 9711            
 IMG 9715            
 IMG 9717            
 IMG 9718            
 IMG 9723            
 IMG 9735            
 IMG 9737            
IMG 9741            
IMG 9747            
IMG 9748            
IMG 9764            
IMG 9770            
IMG 9789            
IMG 9796            
IMG 9798            
 IMG 9799            
 IMG 9801            
 IMG 9805            
 IMG 9808            
 IMG 9811            
 IMG 9821            
 IMG 9826            
 IMG 9829            
 IMG 9833            
 IMG 9837            
IMG 9858            
IMG 9862            
IMG 9853            
 IMG 9850            
 IMG 9889            
 IMG 9886            
 IMG 9883            
 IMG 9876